2015 جىلى «عاسىر ىندەتىنە» شالدىققانداردىڭ سانى 500 بولسا, بۇگىندە بۇل كورسەتكىشتىڭ ەكى ەسەدەي كوبەيگەنى بايقالادى.
بۇل كەسەل جونىنەن رەسپۋبليكادا الدىڭعى ورىنداردىڭ ءبىرىن يەلەنەتىن ءوڭىر دارىگەرلەرىنىڭ ايتۋىنشا ايىقپاس دەرتكە شالدىققانداردىڭ 80 پروتسەنتى – 30 بەن 49 جاس ارالىعىنداعى ازاماتتار. دەنى – جۇمىسسىزدار.
«2017 جىلى 230 ادامدا, بىلتىر 170 ادامدا ايتۆ ينفەكتسياسى انىقتالدى. ەپيدەميولوگيالىق جاعداي تۇراقتى. دەگەنمەن باقىلاۋدى ءبىر ءسات تە بوساڭسىتۋعا بولمايدى», دەيدى سپيد-ءتىڭ الدىن الۋ جانە وعان قارسى كۇرەس جونىندەگى ورتالىقتىڭ باس دارىگەرى ايمان سىزدىقوۆا.
ايلىق اكتسيا بارىسىندا ەرىكتى تۇردە تەكسەرۋدەن وتكەن 8 مىڭعا جۋىق تۇرعىننىڭ ىشىنەن توعىز ادامنىڭ بويىنان ايتۆ ينفەكتسياسى تابىلعان. ەلىمىزدە ايتۆ ينفەكتسياسىنا شالدىققان ءاربىر ادامنىڭ تەگىن رەتروۆيرۋسكە قارسى ەم قابىلداۋ مۇمكىندىگى بولا تۇرا سولتۇستىكقازاقستاندىقتاردىڭ 75 پروتسەنتى عانا تۇراقتى تۇردە ەم قابىلدايدى. سپيد ورتالىعى ەمدەلۋشىلەر سانىن 90 پروتسەنتكە دەيىن جەتكىزۋدى كوزدەپ وتىر.
ماماندار وڭىرىمىزدە ەسىرتكى قولدانۋشىلاردىڭ ەسەبىنەن ايتۆ ينفەكتسياسىنا شالدىعۋ جاعدايلارى جيىلەگەنىن جاسىرمايدى. سوڭعى ۋاقىتتا بەلەڭ العان سينتەتيكالىق پسيحوتروپتى زاتتاردىڭ ساۋداسىنا دەم بەرىپ تۇرعان دا – وسى ينتەرنەت. “سپايس”, “تۇز” دەپ اتالاتىن زاتتار ەسىرتكىگە تاۋەلدىلىكتى قالىپتاستىراتىندىعىمەن قاۋىپتى. بۇگىندەرى مۇنداي زاتتاردى تاراتۋشىلارمەن كۇرەس ازىرگە جۇرتشىلىقتىڭ, بەلسەندى ازاماتتاردىڭ كومەگىمەن جارنامالاردى دەر كەزىندە ءوشىرۋ ارقىلى عانا جۇرگىزىلەدى. ونىڭ اقىرى قورقىنىشتى دەرتكە اكەلىپ جاتقانىن ءومىردىڭ ءوزى كورسەتىپ وتىر.
ءومىر ەسقالي,
«ەگەمەن قازاقستتان»
سولتۇستىك قازاقستان وبلىسى