جامبىل وڭىرىندە حالىقتىڭ دەنساۋلىعىن جاقسارتۋ ماقساتىندا بىرقاتار جۇمىس اتقارىلىپ كەلەدى. وبلىس بويىنشا بۇگىندە بارلىعى 396 مەديتسينالىق مەكەمە بار. ونىڭ 30-ى اۋرۋحانا بولسا, 356 مەكەمە امبۋلاتوريالىق ەمحانا. جەرگىلىكتى تۇرعىندار اتالعان دەنساۋلىق ساقتاۋ مەكەمەلەرىنەن جوعارى دەڭگەيدە ءتيىستى ەم الىپ وتىر.
جامبىل وبلىستىق دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆتىڭ ايتۋىنشا, بىلتىرعى جىلى ءوڭىر تۇرعىندارىنىڭ ورتاشا ءومىر ءسۇرۋ ۇزاقتىعى 72,43 جاستى قۇراسا, جالپى ءولىم-ءجىتىم كوەففيتسەنتى 5,6 پايىزعا تۇراقتاعان. سونداي-اق, وكىنىشكە قاراي, 2 انا ءولىمى, 154 ءبىر جاسقا دەيىنگى نارەستە ءولىمى تىركەلگەن. باسقارما باسشىسى باسقارماعا قاتىستى 3 نىسانالى ينديكاتور جانە 36 ناتيجەلى كورسەتكىش بار ەكەنىن, ونىڭ 4-ءى ورىندالماعانىن دا جەتكىزدى.
وتكەن جىلى وڭىردە بارلىعى 39 نىسان پايدالانۋعا بەرىلگەن. ونىڭ ىشىندە 29 نىسان مەملەكەتتىك-جەكەمەنشىك ارىپتەستىك اياسىندا, 9 نىسان جەرگىلىكتى بيۋدجەت ەسەبىنەن ەل يگىلىگىنە بەرىلسە, 1 نىسان ساتىپ الىنعان. سونىمەن قاتار, 6 دەنساۋلىق ساقتاۋ نىسانى كۇردەلى جوندەۋدەن وتكىزىلگەن. ءوز سوزىندە مارات جۇمانقۇلوۆ جەكە تۇلعالاردان 175 ارىز-شاعىم تۇسكەنىن, ول بويىنشا 28 قىزمەتكەر جاۋاپكەرشىلىككە تارتىلىپ, 2 باس دارىگەر جۇمىسىنان بوساتىلعانىن دا ايتىپ ءوتتى.
حاميت ەسامان,
«ەگەمەن قازاقستان»
جامبىل وبلىسى