قىزىلوردا وبلىسى پوليتسيا دەپارتامەنتى باستىعىنىڭ بۇيرىعىنا سايكەس, اعىمداعى جىلدىڭ 16-20 قاڭتار ارالىعىندا وبلىس اۋماعىندا «ميگرانت» جەدەل-پروفيلاكتيكالىق ءىس-شاراسى وتكىزىلدى. بۇل تۋرالى قىزىلوردا وبلىسىنىڭ پوليتسيا دەپارتامەنتىنىڭ ءباسپاسوز قىزمەتى حابارلادى.
ءىس-شارانىڭ ماقساتى-شەتەلدىكتەردىڭ بولۋ قاعيدالارىن بۇزۋدى انىقتاۋ, تۇراقتى تۇراتىن جانە ۋاقىتشا تۇراتىن شەتەلدىكتەردى ءتيىستى ەسەپكە الۋدى قامتاماسىز ەتۋ بولىپ تابىلدى.
اتالعان ءىس-شاراعا دەپارتامەنتتىڭ كوشى-قون قىزمەت باسقارماسى جانە جەرگىلىكتى پوليتسيا قىزمەت باسقارماسىمەن بارلىعى 266 قىزمەتكەر جۇمىلدىرىلدى.
ناتيجەسىندە, كوشى-قون زاڭناماسىن بۇزعانى ءۇشىن قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 518-بابىنا سايكەس 30 شەتەل ازاماتىنا اكىمشىلىك حاتتامالار تولتىرىلدى.
سونىمەن قاتار, اكىمشىلىك قۇقىق بۇزۋشىلىق تۋرالى كودەكسىنىڭ 519-بابىمەن 5 قازاقستان رەسپۋبليكاسى ازاماتى اكىمشىلىك جاۋاپكەرشىلىككە تارتىلدى.
جەكە باستارىن انىقتايتىن قۇجاتتارى جوق 29 ازاماتى قىىب-نىڭ قابىلداۋ-تاراتۋ ورنىنا جەتكىزىلدى.
بۇل باعىتتاعى جۇمىستار جالعاسىن تابۋدا.