سەنبى, 7 قاڭتار 2012 7:30
الماتى 2012 جىلعى 7 قاڭتار
د.ا. قوناەۆتىڭ تۋعانىنا 100 جىل تولۋىنا ارنالعان ەسكەرتكىش مونەتالاردى اينالىسقا شىعارۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ № 2155 زاڭىنا سايكەس قازاقستان رەسپۋبليكاسىنىڭ ۇلتتىق بانكى 2012 جىلعى 7 قاڭتاردا د.ا. قوناەۆتىڭ تۋعانىنا 100 جىل تولۋىنا ارنالعان كۇمىستەن جاسالعان نومينالى 500 تەڭگەلىك جانە نەيزيلبەر قوسپاسىنان جاسالعان نومينالى 50 تەڭگەلىك ەسكەرتكىش مونەتالاردى اينالىسقا شىعارادى.
سەنبى, 7 قاڭتار 2012 7:30
الماتى 2012 جىلعى 7 قاڭتار
د.ا. قوناەۆتىڭ تۋعانىنا 100 جىل تولۋىنا ارنالعان ەسكەرتكىش مونەتالاردى اينالىسقا شىعارۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ № 2155 زاڭىنا سايكەس قازاقستان رەسپۋبليكاسىنىڭ ۇلتتىق بانكى 2012 جىلعى 7 قاڭتاردا د.ا. قوناەۆتىڭ تۋعانىنا 100 جىل تولۋىنا ارنالعان كۇمىستەن جاسالعان نومينالى 500 تەڭگەلىك جانە نەيزيلبەر قوسپاسىنان جاسالعان نومينالى 50 تەڭگەلىك ەسكەرتكىش مونەتالاردى اينالىسقا شىعارادى.
ەسكەرتكىش كۇمىس مونەتانىڭ سيپاتتاماسى:
مونەتانىڭ نىسانى سەگىز قىرلى.
مونەتانىڭ بەت جاعىندا (اۆەرسىندە) ورتالىق بولىگىندە قازاقستان رەسپۋبليكاسىنىڭ ەلتاڭباسى جانە قازاق كسر ەلتاڭباسى بەينەلەنگەن. تومەنگى بولىگىندە ەكى جولعا ورنالاسقان جانە مونەتانىڭ نومينالىن ءبىلدىرەتىن «500 تەڭگە» دەگەن جازۋ. نومينالدىڭ سول جاعىندا مونەتا دايىندالعان مەتالدى, ونىڭ سىنامىن بىلدىرەتىن «Ag 925», وڭ جاعىندا مونەتانىڭ ماسساسىن ءبىلدىرەتىن – «31,1 gr.» دەگەن جازۋ ورنالاسقان. جوعارى بولىگىندە - قازاقستان تەڭگە سارايىنىڭ تاۋار بەلگىسى. مونەتانى اينالدىرا جالپاق كۇڭگىرت جيەك جۇرگىزىلگەن, ونىڭ ءۇستىنە اينالدىرا مەملەكەتتىك تىلدە «قازاقستان رەسپۋبليكاسى» جانە ورىس تىلىندە «رەسپۋبليكا كازاحستان» دەگەن جازۋ ويىپ جازىلعان. جازۋلار نۇكتەلەرمەن بولىنگەن.
مونەتانىڭ سىرت جاعىندا (رەۆەرسىندە) ورتالىق بولىكتە دىنمۇحامەت احمەت ۇلى قوناەۆتىڭ ستيلدەندىرىلگەن قىرىنان بەينەلەنگەن سۋرەتى اياسىندا كولەمدى بەينەسى سالىنعان. ونىڭ استىندا قويعان قولىنىڭ فاكسيميلەسى مەن مونەتانىڭ سوعىلعان جىلىن بىلدىرەتىن «2012» دەگەن سان. وڭ جاق بولىگىندە اينالدىرا مەملەكەتتىك تىلدە «د.ا. قوناەۆ 100 جىل» دەگەن جازۋ جانە قازاقستان رەسپۋبليكاسى ۇلتتىق بانكىنىڭ لوگوتيپى ورنالاسقان.
مونەتانىڭ بەت جاعىنداعى جانە سىرت جاعىنداعى بەينەلەر مەن جازبالار بەدەرلەنگەن.
قىرى (گۋرتى) تەگىس, بەدەرسىز جانە جازۋ جوق.
مونەتا 925 سىنامدى كۇمىستەن دايىندالعان, ماسساسى – 31,1 گرامم, ديامەترى – 38,61 مم, دايىندالۋ ساپاسى – «proof», تارالىمى – 5 مىڭ دانا.
نەيزيلبەر قوسپاسىنان جاسالعان ەسكەرتكىش مونەتانىڭ سيپاتتاماسى:
مونەتالاردىڭ بەت جاعىندا (اۆەرسىندە) جوعارى بولىگىندە قازاقستان رەسپۋبليكاسىنىڭ ەلتاڭباسى بەينەلەنگەن. ەلتاڭبا بەينەسىنىڭ وڭ جاعىندا «قۇب» اببرەۆياتۋراسى ورنالاسقان. تومەنگى بولىگىندە مونەتانىڭ نومينالىن بىلدىرەتىن «50 تەڭگە» دەگەن جازۋ بار. نومينالدىڭ سول جانە وڭ جاعىندا ۇلتتىق ويۋ-ورنەك ەلەمەنتى بەينەلەنگەن. اينالدىرا مەملەكەتتىك تىلدە «قازاقستان ۇلتتىق بانكى» دەگەن جازۋ جانە شىعىڭقى جيەك جۇرگىزىلگەن.
مونەتانىڭ سىرت جاعىندا (رەۆەرسىندە) ورتالىق بولىگىندە دىنمۇحامەت احمەت ۇلى قوناەۆتىڭ قىرىنان كەسكىندەلگەن بەينەسى. مونەتانىڭ جوعارى بولىگىندە اينالدىرا مەملەكەتتىك تىلدە «د.ا. قوناەۆ» دەگەن جازۋ, تومەنگى بولىگىندە – تۋعان جىلى مەن مونەتانىڭ سوعىلعان جىلىن بىلدىرەتىن «1912-2012» دەگەن ساندار ورنالاسقان. اينالدىرا مونشاق تارىزدەس دوعا جانە شىعىڭقى جيەك جۇرگىزىلگەن.
مونەتانىڭ بەت جاعىنداعى جانە سىرت جاعىنداعى سۋرەتتەر جانە جازبالار بەدەرلەنگەن.
قىرى (گۋرتى) بەدەرلى.
مونەتا «نەيزيلبەر» قوسپاسىنان جاسالعان, ديامەترى – 31 مم, ماسساسى – 11,17 گرامم, تارالىمى – 50 مىڭ دانا.
نومينالى 500 جانە 50 تەڭگەلىك ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن ءتولەمنىڭ بارلىق تۇرلەرى بويىنشا, سونداي-اق شوتتارعا, سالىمدارعا, اككرەديتيۆتەرگە ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى, قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
قازاقستان رەسپۋبليكاسى ۇلتتىق بانكىنىڭ وسى رەسمي حابارعا تۇسىنىكتەمەسى
2012 جىلعى 12 قاڭتاردا دىنمۇحامەت احمەت ۇلى قوناەۆتىڭ تۋعانىنا 100 جىل تولادى.
دىنمۇحامەت احمەت ۇلى قوناەۆتىڭ عالىم, اكادەميك, كورنەكتى مەملەكەت قايراتكەرى رەتىندەگى بۇكىل ەڭبەك جولى مەملەكەتتىڭ جانە بۇكىل كوپۇلتتى قازاقستان حالقىنىڭ گۇلدەنۋىنە باعىتتالدى.
ەسكەرتكىش مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعى بار رەسپۋبليكالىق مەملەكەتتىك كاسىپورنى دايىنداعان.
مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن ۇلتتىق ۆاليۋتا – قازاقستان تەڭگەسى بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.
ەسكەرتكىش مونەتالاردىڭ ءبىر مىڭ داناسى ساتۋ ءۇشىن ارنايى تەرموۆاكۋمدى پلاستيك وراۋمەن شىعارىلعان.
مونەتالاردى قازاقستان رەسپۋبليكاسى ۇلتتىق بانكىنىڭ بارلىق فيليالدارىندا, الماتى قالاسىندا مىنا مەكەنجاي بويىنشا ساتىپ الۋعا بولادى: پانفيلوۆ كوشەسى, 98. انىقتاما ءۇشىن تەلەفونى (727) 273-83-98.