پرەمەر-ءمينيستردىڭ ورىنباسارى - اۋىل شارۋاشىلىعى ءمينيسترى ومىرزاق شوكەەۆ پەن سىرتقى ىستەر ءمينيسترى بەيبىت اتامقۇلوۆ قازاقستاندىق اۋىل شارۋاشىلىعى ونىمدەرىن ەكسپورتتاۋدى ىنتالاندىرۋ جانە ەكونوميكانىڭ اگروونەركاسىپتىك سەكتورىنا ينۆەستيتسيا تارتۋ ماسەلەلەرىن تالقىلادى.
كەزدەسۋ بارىسىندا قازاقستان رەسپۋبليكاسىنىڭ 2017-2021 جىلدارعا ارنالعان اگروونەركاسىپتىك كەشەنىن دامىتۋ مەملەكەتتىك باعدارلاماسىن ىسكە اسىرۋ اياسىندا ىنتىماقتاستىقتى كۇشەيتۋ ماسەلەلەرى قاراستىرىلدى.
مەملەكەت باسشىسىنىڭ جىل سايىنعى جولداۋىندا قويعان ستراتەگيالىق ماقساتتارىن ىسكە اسىرۋ ماقساتىندا, ەڭ الدىمەن اگروونەركاسىپتىك كەشەندەگى ەڭبەك ونىمدىلىگىن جانە ەكسپورتتىق وڭدەلگەن اۋىلشارۋاشىلىق ونىمدەرىن كەم دەگەندە 2,5 ەسەگە ارتتىرۋ ماقساتىندا, سىرتقى ىستەر مينيسترلىگى مەن اۋىل شارۋاشىلىق مينيسترلىگى اراسىنداعى قازاقستاننىڭ اگروونەركاسىپتىك كەشەنىنە شەتەلدىك ينۆەستيتسيالاردى تارتۋ جانە 2020 جىلعا دەيىن ساۋدا-ساتتىقتى دامىتۋ بويىنشا بىرلەسكەن ءىس-قيمىل جوسپارىن جۇزەگە اسىرۋ تۋرالى ماسەلە قارالدى. وسى جوسپار ەگجەي-تەگجەيلى قارالعاننان كەيىن قازاقستان رەسپۋبليكاسى سىرتقى ىستەر مينيسترلىگىنىڭ ينۆەستيتسيالىق جانە ەكسپورتتىق باعىتتاعى قىزمەتىن كۇشەيتۋگە بايلانىستى ءىس-شارالاردى جاڭارتۋ تۋرالى شەشىم قابىلداندى.
اگروونەركاسىپتىك كەشەندە, اتاپ ايتقاندا, وسىمدىك شارۋاشىلىعى, اۋىلشارۋاشىلىق تەحنيكاسى مەن جابدىقتارىن جيناۋ, سونداي-اق ءسۇت جانە ەت ونىمدەرىن ءوندىرۋ جانە قايتا وڭدەۋدى دامىتۋ ءۇشىن ءىرى ترانسۇلتتىق كورپوراتسيالاردى تارتۋعا قاتىستى ينۆەستيتسيالىق جوبالاردى ىسكە اسىرۋعا ەرەكشە نازار اۋدارىلدى.
مينيسترلىكتىڭ باسشىلارى حالىقارالىق ۇيىمدارمەن, اتاپ ايتقاندا بۇۇ-نىڭ ازىق-ت ۇلىك جانە اۋىلشارۋاشىلىق ۇيىمىمەن (فاو), ازىق-ت ۇلىك قاۋىپسىزدىگىن قامتاماسىز ەتۋ جونىندەگى يسلام ۇيىمىمەن, ەكونوميكالىق ىنتىماقتاستىق جانە دامۋ ۇيىمىمەن جانە باسقالارمەن اۋىل شارۋاشىلىعىندا تەرەڭ ءوزارا ءىس-قيمىلدىڭ ماڭىزدىلىعىن اتاپ ءوتتى.
سونىمەن قاتار, ۆەدومستۆو باسشىلارى اگرارلىق ماسەلەلەر بويىنشا, اتاپ ايتقاندا, ەلىمىزدىڭ اوك ونىمدەرىن سىرتقى نارىقتاردا ىلگەرىلەتۋ بويىنشا وتاندىق فەرمەرلەرگە ەكسپورتتىق قىزىعۋشىلىق تۋدىراتىن قازاقستاننىڭ شەت ەلدەردەگى مەكەمەلەرىنىڭ ديپلوماتتارى ءۇشىن ترەنينگتەر ۇيىمداستىرۋ تۋرالى كەلىسىمگە قول جەتكىزىلدى.
اۋىل شارۋاشىلىعى ونىمدەرى ەكسپورتىنا اقپاراتتىق قولداۋ كورسەتۋدى جوعارىلاتۋ قاجەتتىلىگى, شەتەلدىك باق ءۇشىن پرەسس-تۋرلار جانە قازاقستاندىق اوك بويىنشا اقپاراتتىق كامپانيالار ۇيىمداستىرۋ ماسەلەلەرى اتاپ ءوتىلدى.
ءسىم مەن اشم قازاقستاندىق اۋىل شارۋاشىلىعى ونىمدەرىن ەكسپورتتاۋدى ىنتالاندىرۋ جانە قازاقستاننىڭ اگروونەركاسىپ سەكتورىنا ينۆەستيتسيا تارتۋ بويىنشا ىنتىماقتاستىقتى كەڭەيتۋ ماقساتىندا وسىنداي كەزدەسۋلەردى ۇنەمى وتكىزۋ تاجىريبەسىن ەنگىزۋدى نيەتتەنۋدە.