تالدىقورعان قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ جۇزگە جۋىق وقۋشىسى Wiki Camp اكتسياسىنا قاتىستى. بۇل شارا بيىلعى جاستار جىلىنا وراي «جاستار - ەلىمىزدىڭ ماقتانىشى» دەگەن ۇرانمەن ۇيىمداستىرىلدى.
بۇل وقۋ ورىنىندا 2013 جىلى «ۆيكيپەديا» كلۋبى قۇرىلعان بولاتىن. سودان بەرى وقۋشىلار قازاق, اعىلشىن, ورىس تىلىندە ماقالا جازىپ, ونى ونلاين-ەنتسيكلوپەدياعا ءوز بەتىنشە جولداپ, تولىقتىرۋدى مەڭگەرگەن ەكەن. بۇگىنگە دەيىن «ۋيكيپەديا» كلۋبىنىڭ مۇشەلەرى جەتىسۋ وڭىرىندەگى تاريحي-مادەني مۇرا تۋرالى, عىلىمي جاڭالىقتار مەن ەلىمىزدىڭ قازىرگى زامانعى جەتىستىكتەرى تۋرالى ءۇش مىڭعا جۋىق ماقالا جازىپ, سايتقا ورنالاستىرىپتى.
- «ۋيكيپەديا» كلۋبى مەكتەپ وقۋشىلارىن ماقالا جازۋعا جانە رەداكتسيالاۋعا داعدىلاندىرادى. ولاردى اكادەميالىق ادالدىق پەن جاۋاپكەرشىلىك قاعيدالارىن ۇستانا وتىرىپ, شىعارماشىلىقپەن اينالىسۋعا ۇيرەتەدى. ءبىزدىڭ وقۋشىلار ءۇشىن بۇل الەمنىڭ بولىگى بولۋعا, قازاقشا ۋيكيپەديا مازمۇنىن دامىتۋعا ۇلەس قوسۋدىڭ كەرەمەت مۇمكىندىگى, - دەيدى مەكتەپ جانىنداعى «ۋيكيپەديا» كلۋبىنىڭ ۇيلەستىرۋشى ءنازيرا سۇلتانوۆا.
جالپى, تالدىقورعان قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىندە عانا ەمەس, تۇتاس ەل بويىنشا «ۋيكيپەديا» كلۋبتارى جۇمىس ىستەپ تۇر. بارلىق زياتكەرلىك مەكتەپتەردە 2012-2013 وقۋ جىلىنان باستاۋ العان ءۇردىستىڭ ارقاسىندا قازاقشا ۋيكيپەديا وقۋشىلار جازعان 20 مىڭنان استام ماقالامەن تولىقتى.
قالماحانبەت مۇقامەتقالي,
«ەگەمەن قازاقستان»
الماتى وبلىسى