بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسيادا وبلىستىق جاستار ساياساتى ماسەلەلەرى باسقارماسىنىڭ باسشىسى نۇرلان كۇنتۋوۆ مالىمدەدى.
سپيكەردىڭ ايتۋىنشا, بۇل باعىت ەلباسىمىز جاريالاعان جاستار جىلى اياسىندا جۇزەگە اسىرىلىپ, جۇزدەگەن جاس اقتوبەلىكتى تۇرعىن ۇيمەن قامتاماسىز ەتۋگە باعىتتالعان.
«قازىرگى ۋاقىتتا جاستار ءۇشىن وزەكتى ماسەلەلەردىڭ ءبىرى - ءوز باسپاناسىنىڭ بولماۋى. وسىعان بايلانىستى اقتوبە وبلىسى اكىمىنىڭ تاپسىرماسىنا ساي, اقتوبە قالاسىنىڭ اكىمدىگى, وبلىستىق جاستار ساياساتى ماسەلەلەرى باسقارماسى «تۇرعىن ءۇي قۇرىلىس جيناق بانكى» اق-مەن بىرلەسە وتىرىپ, جاستار مەن جاس وتباسىلاردى تۇرعىن ۇيمەن قامتاماسىز ەتۋ بويىنشا باعىتتى ىسكە اسىرۋعا كىرىستى», - دەدى نۇرلان كۇنتۋوۆ.
بىرەگەي باعدارلاماعا 29 جاسقا دەيىنگى وبلىس تۇرعىندارى قاتىسا الادى. ولار اۋدانى 40-50 شارشى مەتر بولاتىن 1 بولمەلى پاتەرلەرگە ۇمىتكەر بولا الادى, بۇل رەتتە تۇرعىن ءۇي الاڭى ءۇشىن باستاپقى جارنا كولەمى ورتاشا ەسەپپەن 350 مىڭ تەڭگەنى, ال اي سايىنعى تولەم 35 مىڭ تەڭگەنى قۇرايدى.