ءۇش كۇن بۇرىن «وحوتزووپروم» ءوب» رمقك ەكى ينسپەكتورى مەن براكونەرلەر اراسىندا قاقتىعىس بولعان. وقيعا ورنىندا اۋىر جاراقات العان ينسپەكتور ەرلان نۇرعاليەۆ ومىردەن ءوتتى. بۇل تۋرالى قر اشم رەسمي وكىلى ساكەن قالقامانوۆ فەيسبۋكتەگى پاراقشاسىندا جازدى.
وقيعا قاراعاندى وبلىسىنىڭ نۇرا اۋدانىندا سيرەك كەزدەسەتiن جانە جويىلىپ كەتۋ قاۋپi تونگەن جابايى اڭدار مەن اقبوكەندەردى قورعاۋ كەزىندە بولعان.
«بۇگىن تاڭەرتەڭ «وحوتزووپروم» ينسپەكتورى ەرلان نۇرعاليەۆ ومىردەن وزدى. ول 13 قاڭتار كۇنى قورعالجىڭ دالاسىندا ايۋاندىق تانىتقان 3 براكونەرمەن ايقاستان كەيىن ءومىرى ءۇشىن سوڭىنا دەيىن كۇرەستى. قازا تاپقان ازاماتتىڭ وتباسىنا قايعىرا كوڭىل ايتامىن. ول ءومىرىنىڭ سوڭىنا دەيىن قازاق دالاسىنىڭ سيمۆولىنا اينالعان كيىكتەردى قورعاۋ جولىنداعى بورىشىن ادال اتقاردى. ەرلان نۇرعاليەۆ سىندى ينسپەكتورلاردىڭ كۇش-جىگەرىنىڭ ارقاسىندا 2015 جىلى جاپپاي قىرىلعان كيىك سانى 215 مىڭ باسقا دەيىن كوبەيدى», دەپ جازدى ساكەن قالقامانوۆ.
بۇعان دەيىن قر اشم رەسمي وكىلى ساكەن قالقامانوۆ قاراعاندى وبلىسىندا براكونەرلەردىڭ سوققىسىنا جىعىلعان «وحوتزووپروم» ءوب» رمقك ينسپەكتورى ە.نۇرعاليەۆتىڭ جاعدايى وتە اۋىر ەكەندىگىن ايتقان. ونىڭ جانىن امان الىپ قالۋ ءۇشىن استانا قالالىق №1 اۋرۋحاناسىنىڭ دارىگەرلەرى كۇرەسكەن ەدى.
ايتا كەتەيىك, 53 جاستاعى ەرلان نۇرعاليەۆ اقمولا وبلىسىندا دۇنيەگە كەلگەن.ء بىلىمى - دەنە شىنىقتىرۋ جانە اسكەري دايىندىق وقىتۋشىسى. 2012 جىلدىڭ ناۋرىزىنان باستاپ «وحوتزووپروم» ءوب» رمقك قاراعاندى تىرەك پۋنكتىندە ورتالىق ايماقتىق فيليالدىڭ ينسپەكتورى قىزمەتىن اتقاردى.