قازاقتىڭ قارا ەسەپتەرى

كەڭ دالادا كەلە جاتقان اڭشىنىڭ تازىسى تاسادان قاشقان بورسىقتى بايقاپ قالادى دا قۋا جونەلەدى. بور­سىق 20 مەتر الىسقا قاشىپ ۇلگەرگەن تۇستا, ونى قۋعان تازى بورسىقتىڭ اۋەلگى قاشقان ورى­نىنا كەلەدى. بورسىق تاعى دا 20 مەتر الىسقا قاشىپ ۇلگەرگەندە, تازى ونى قۋىپ جەتىپ ۇستايدى. سوندا تازى بورسىقتان نەشە ەسە جىلدام بولعان جانە باستاپقى كەزدە تازى مەن بورسىق اراقا­شىق­تىعى قانداي بولدى؟

20-شى ەسەپ:

ابىلاي حاننىڭ سىيلىق تاراتۋى

ابىلاي حان بيلىك قۇرعان زاماندا قازاق جاساعى جاۋمەن شايقاسىپ جەڭىسكە جەتەدى. حان شايقاستا ەرەكشە ەرلىك كورسەتكەن جاۋجۇرەك توعىز ساربازدى مارا­پاتتاۋعا شەشىم قابىلدايدى. ول ءۇشىن جاۋدان ولجا رەتىندە قولعا تۇسكەن 101 سايگ ۇلىكتى كەرمەگە قاز-قاتار بايلاتىپ قويىپ, ونىڭ ءاربىر ونىنشىسىن ءبىرىنشى ساربازعا سىيلىق رەتىندە بەرەدى. ودان قالعان جىلقىلاردىڭ ءاربىر توعىزىنشىسى ەكىنشى سار­بازعا بەرىلەدى. بۇدان قالعان جىل­­قىلاردىڭ ءاربىر سەگىزىنشىسى ءۇشىنشى ساربازعا تيەسىلى بولادى. وسى رەتپەن بارلىق ساربازدار وزدەرىنە تيەسىلى قالدىق توپتاعى ءاربىر جەتىنشى, التىنشى, بەسىنشى, ءتورتىنشى, ءۇشىنشى... جىلقىلاردى سىيلىققا الادى. ال, ەڭ سوڭعى توعىزىنشى سارباز العاشقى ساربازداردان قالعان جىلقىلاردىڭ ءاربىر ەكىنشىسىن الادى دا,  كەرمەدە قالعان الىنباي قالعان سوڭعى جىلقىلار مايداندا ەرەكشە ەر­لىك كورسەتكەن جەكە باتىرعا (تو­عىز ساربازدان تىس) بەرىلەتىن بولا­دى. سونىمەن ايتپاعىمىز, ءار سار­باز قانشا جىلقى سىيلىق الادى؟

21-ءشى ەسەپ:

ايتەكە ءبيدىڭ  اتتارى

ايتەكە ءبيدىڭ بايگەنىڭ الدىن بەرمەيتىن جۇيرىك  اتتارى مەن كوكپار دەسە سالىم بىتكەننىڭ ءبارىن سىپىراتىن كوكپار اتتارى بولىپتى. ءبىر كۇنى ايتەكە بيدەن سەندە قانشا بايگە جانە قانشا كوكپار اتتارى بار دەسە, اتامىز: «مەندەگى بارلىق كوكپار اتىنىڭ سەگىزدەن ءبىرى – باي­گەنى دە, كوكپاردى دا شابا الاتىن اتتار, ال بايگە اتتا­رىنىڭ ون ۇشتەن ءبىرى – كوك­پار اتى بولا  الادى» دەپتى. سون­دا ايتەكە بيدە قانشا باي­گە جانە كوكپار اتتارى بولعان؟

دايىنداعان بەكەن قايرات ۇلى, 

«ەگەمەن قازاقستان»

ەسكەرتۋ: ەسەپ جاۋاپتارىن info@egemen.kz مەكەنجايىنا جولداۋلارىڭىزدى وتىنەمىز!