كوز تيۋدەن قالاي ساقتانۋعا بولادى؟

سوندىقتان كوز تيۋدەن ساقتانۋ ءۇشىن ماتەريالدىق عانا ەمەس, دۇعا جانە اللاعا سىيىنۋ سەكىلدى رۋحاني جانە ءدىني سەبەپتەرگە دە جۇگىنۋ قاجەت. كوز تيۋدەن ساقتانۋ ءۇشىن مىنا نارسەلەرگە ەرەكشە ءمان بەرگەن ءجون:

1. «قالام» سۇرەسىنىڭ 51-52 اياتتارىن, «فاتيحا», «اياتۋل-كۋرسي», «فالاق» جانە «ناس» سۇرەلەرىن, سونىمەن قاتار, اللانىڭ ەسىمدەرى مەن سيپاتتارىن, ونىڭ اتى اتالعان اياتتاردى وقۋ قاجەت;

2. ەلدىڭ نازارىن وزىنە اۋدارتاتىن, ولاردىڭ قىزىعۋشىلىعى مەن قىزعانىشىن تۋدىراتىن كيىم-كەشەكتەر كيۋ مەن ءتۇرلى ارەكەتتەردەن ساقتانۋ;

3. ءوزىن ماقتاعان كىسىلەرگە «ماشاللا, باراكاللا دەڭىزدەر» دەپ كەڭەس بەرۋ. پايعامبارىمىز (س.ا.ۋ.): «كىمدە-كىم وزىنە قاتتى ۇناعان ءبىر نارسە كورسە, «ماشاللا, باراكاللا» دەسە, ونىڭ قاراعان نارسەسىنە كوز تيمەيدى»,– دەگەن.

4. كوزى تيگىش كىسىلەر مەن ورتالاردان قولدان كەلگەنشە الشاق ءجۇرۋ. ەرەكشە قاجەتتىلىك تۋىنداماعان جاعدايدا ول جەرلەرگە بارماۋ, بارا قالعان جاعدايدا اللاعا سىيىنىپ, جاردەم سۇراپ, دۇعا جاساۋ قاجەت.