«قايىرىمدىلىق كەرۋەنى» جولعا شىقتى

اكتسيا اياسىندا «دوستىق داس­تارقانىنا» جينالعان ءتۇرلى ەتنوس وكىلدەرىنىڭ اقساقالدارى مەن ەل اعالارى استاناداعى «قو­عامدىق كەلىسىم» ۇيىندە باس قوستى. جينالعان قوناقتار ءۇشىن قازاق حالقىنىڭ سالت-داس­تۇرىنەن كورىنىستەر قويىلدى. اق جاۋلىقتى اجەلەر «بەسىككە سا­لۋ», «تۇساۋ كەسۋ» راسىمدەرىن اۋەز­دى انمەن ارلەپ, ساحنالىق قو­يىلىم ۇسىندى. مۇنىڭ ءبارى رەسپۋبليكالىق «سارقىت» قايى­رىمدىلىق اكتسياسىنا كەلۋشى­لەر­دىڭ كوڭىل كۇيىن كوتەرىپ, ۇلتتىق قۇندىلىقتارىمىزدى دارىپتەۋ ءۇشىن جاسالىپ وتىر. شارا بارىسىندا «سارقىت» ءسوزىنىڭ ءمان-ماڭىزى مەن ما­عى­ناسى جايلى ايتىلىپ, قايىرىم­دىلىق شاراعا نەگىز بولۋ سەبە­بى ءتۇسىندىرىلدى. سو­دان سوڭ قحا-نىڭ «جاڭعىرۋ جو­لى» رەپۋب­ليكالىق جاستار قوز­عالىسىنىڭ بەل­سەندىلەرى كومەككە مۇقتاج وتبا­سىلارعا سارقىت رە­تىندە ازىق-ت ۇلىك دوربالارىن تاراتتى. اي­تا كەتۋ كەرەك, بۇل اكتسيا جىل بويى ەلىمىزدىڭ ءار وڭىرىندە جالعا­ساتىن بولادى. اسسامبلەيا مۇشە­لەرىنىڭ ايتۋىنشا, مۇنداي جۇمىستاردىڭ ناتيجەسى جاقسى.

– وسى جوبا اياسىندا 2018 جىل­دىڭ وزىندە 8 700 ءىس-شارا ۇيىم­­­داستىرىلىپ, 2,5 ملرد تەڭگە كو­­لەمىندە 400 مىڭنان استام ادامعا كومەك كورسەتىلدى. 2017-2018 جىلدار ارالىعىندا قحا-نىڭ «جومارت جان» توسبەلگىسىمەن 78 دەمەۋشى ماراپاتتالدى. ال بۇ­­گىن­گى اكتسيا 2019 جىلداعى ال­عاش­قى ۇيىمداستىرىلىپ وتىرعان ءىس-شارامىز. مۇنداي جاڭا فور­مات­تاعى جۇيەلى قايىرىمدىلىق جو­با­سى بۇعان دەيىن اتىراۋ قالا­سىندا وتكەن مەتسەناتتار سەزىندە قا­بىل­دانعان بولاتىن, – دەيدى قحا تور­اعاسىنىڭ ورىنباسارى ل.پرو­كو­پەنكو.

جىل بويى ءار ايدا ءارتۇرلى اتاۋ­مەن ەلىمىزدىڭ بارلىق قالا­لار­ىنداعى دوستىق ۇيلەرى بازاسىندا ءدال وسى قايىرىمدىلىق شارالارى جالعاسادى. كۇنتىزبەدە ء الى دە «سىباعا», «شاشۋ», «اسار», «قامقور» سياقتى تاعى باسقا اتاۋمەن قايىرىمدىلىق ءىسى كەزەك كۇتىپ تۇر. دەمەك, ەلىمىزدەگى جاعدايى تومەن وتباسىلارعا قول ۇشىن سوزۋ مۇمكىندىگى ۇزدىكسىز جالعاسا بەرمەك.

جانبولات كەنجەعۇل,

«ەگەمەن قازاقستان»