اۋستراليانىڭ سيدنەي قالاسىندا ءوتىپ جاتقان تەننيستەن Sydney International تۋرنيرىندە يۋليا پۋتينتسەۆا جارىستىڭ 1/8 كەزەڭىنە جولداما الدى. ءتۋرنيردىڭ جۇلدە قورى 823 مىڭ اقش دوللارىن قۇرايدى.
حالىقارالىق دودانى ىرىكتەۋ كەزەڭىنەن باستاعان وتانداسىمىز نەگىزگى كەزەڭنىڭ ءبىرىنشى اينالىمىندا جەرگىلىكتى تەننيسشى, الەمنىڭ 34-راكەتكاسى داريا گاۆريلوۆامەن كۇش سىناسىپ, ەكى سەت قورىتىندىسى بويىنشا جەڭىسكە جەتتى. العاشقى سەتتە پۋتينتسەۆا ەش قيىندىقسىز 6:1 ەسەبىمەن باسىم تۇسسە, ەكىنشى سەتتە ءبىراز تەر توگۋگە تۋرا كەلدى. جارىس ءوز ەلىندە ءوتىپ جاتقان سوڭ گاۆريلوۆا نامىسقا تىرىسىپ, يۋليامەن ءبىراز ۋاقىت تايتالاسىپ باقتى. دەگەنمەن, بۇل سەتتە دە وتانداسىمىز 7:6 ەسەبىمەن جەڭىسكە جەتتى.
ەندى يۋليا پۋتينتسەۆا Sydney International ءتۋرنيرىنىڭ 1/8 كەزەڭىندە سلوان ستيۆەنس (5) پەن ەكاتەرينا الەكساندروۆا (72) جۇبىنىڭ جەڭىمپازىمەن وينايتىن بولادى.