قازاقستاننىڭ تايلاند كورولدىگىندەگى ەلشىلىگى تايلاندتا تىنىعىپ جاتقان قازاقستاندىقتاردى اباي بولۋعا شاقىردى. ويتكەنى, تايلاند جاعالاۋىنا «پابۋك» تروپيكالىق داۋىلى جاقىنداپ كەلە جاتىر, دەپ حابارلايدى قازاقپارات ەلشىلىكتىڭ ءباسپاسوز قىزمەتىنە سىلتەمە جاساپ.
«قۇرمەتتى وتانداستار! بارىنشا اباي بولىپ, قاۋىپسىزدىك شارالارىن ساقتاۋدى وتىنەمىز. وڭتۇستىك قىتاي تەڭىزىنەن باستالعان «پابۋك» تروپيكالىق داۋىلى سپراتلي ارالدارىنىڭ وڭتۇستىك-باتىسىندا, بۇگىندە ول سيام شىعاناعىنا جاقىنداپ كەلە جاتىر. 5 قاڭتار كۇنى داۋىل تايلاند جاعالاۋىنا جەتەدى», - دەلىنگەن ەلشىلىكتىڭ ەسكەرتپەسىندە.
3, 4 قاڭتار كۇندەرى سۋراتتحاني, ناكحونسيتحاممارات, پحاتتحالۋنگ, سونگكحلا, پاتتاني, يالا, ناراتحيۆات, كرابي, ترانگ جانە ساتۋن پروۆينتسيالارىندا نوسەر جاۋىن جاۋادى. ال 4, 5 قاڭتاردا پحەتبۋري, پراچۋاپكحيريكحان, ناكحونسيتحاممارات, پحاتتحالۋنگ, سونگكح لا, پاتتاني, يالا, ناراتحيۆات, رانونگ, پحانگنگا, پحۋكەت, كرابي, ترانگ جانە ساتۋن پروۆينتسيالارىندا قاتتى جاۋىن كۇتىلەدى.