ەلباسى رەسپۋبليكالىق باق وكىلدەرىنە بەرگەن سۇحباتىندا جاڭاشىلدىققا بەتبۇرىس ارقىلى جاڭا بەلەستەر باعىناتىنىن اتاپ ءوتىپ, بۇعان بار مۇمكىندىك جاسالعانىن ايتىپ بەردى.
«ماعان 5G قالاي جۇمىس ىستەيتىنىن كورسەتتى. مىسالى, استاناداعى xيرۋرگ وپەراتسيانى جۇرگىزەدى, ال پاتسيەنت قاراعاندىدا. ەلورداداعى دارىگەر قولىنداعى دجويستيكتى اينالدىرعان مەزەتتە, ەشقانداي كەشىكتىرۋسىز ەكىنشى ايماققا سول ساتتە-اق اقپارات جەتىپ بارادى. بولاشاقتا بۇل جىلدامدىقپەن بارلىق اقپارات بەرىلەدى», دەيدى پرەزيدەنت.
سونىمەن قاتار جاھاندىق باسەكەگە قابىلەتتى ارتتىرۋ ماقساتىندا كوپتەگەن ماڭىزدى شارۋلاردى قولعا الىنعانىن جەتكىزدى.
«ەڭ باستىسى - الەمدىك دامۋدان قالىس قالماۋ قاجەت. استانا قارجى ورتالىعىنىڭ اشىلۋى ۇلكەن جاڭاشىلدىق بولدى. التى ستارتاپ ەۋروپانىڭ ۇزدىك 100 جوبا قاتارىنا ىلىكتى. مەن بارلىق ىنتاسى بار جاستاردىڭ جاڭا دۇنيە ويلاپ تاۋىپ, ونى ىسكە اسىرۋى ءۇشىن زەرتحانا بەرۋدى ارماندايتىنمىن. اسىرەسە, مەديتسينا سالاسىندا بولاتىن جاڭا دۇنيەلەر مەنى قاتتى تاڭ قالدىردى. بۇگىندە كيبەرقاۋىپسىزدىك – وتە ماڭىزدى ماسەلە. ۆيرۋستار بانك جۇيەسى مەن مەملەكەتتىك ورگانداردىڭ كومپيۋتەرىنە ەنىپ جاتادى. بيىل استانا مەن الماتىنى قورعايتىن جۇمىستار اتقارىلۋدا. كەلەسى جىلى باسقا دا ايماقتاردا تاجىريبەنى كەڭەيتىپ, ودان ءارى دامىتامىز», دەدى ن.نازارباەۆ.
سونداي-اق ەلباسى بولاشاقتىڭ نەگىزى جاساندى ينتەللەكتە ەكەنىنە توقتالىپ, ونى قازاقستان دۇرىس پايدالانۋى ءتيىس ەكەنىن جەتكىزدى.