تۇركىستان وبلىسىندا تۇماۋ جاعدايلارى تىركەلمەگەن

وتكەن جىلدىڭ وسى كەزەڭىمەن سالىستىرعاندا تەرى لەيشمانيوزى 5,14 ەسە, ءجىتى ىشەك جۇقپالى اۋرۋلار 1,2 ەسە, تىنىس الۋ ورگاندارىنىڭ تۋبەركۋلەزى 27,9%, ەحينوكوككوز 19,9%, ەنتەروبيوز 22,4%, برۋتسەللەز 6 جاعدايعا, قىرىم قاندى گەمموراگيالىق قىزباسى 3 جاعدايعا, مەنينگوكوكك جۇقپاسى 2 جاعدايعا تومەندەگەن.

تۇركىستان وبلىسى قوعامدىق دەنساۋلىق ساقتاۋ دەپارتامەنتىنىڭ باسشىسى نۇربەك نىشانوۆتىڭ ايتۋىنشا, پروفيلاكتيكالىق ەگۋلەردەن باس تارتۋدىڭ الدىن الۋ جونىندەگى ءىس-شارالار مەن ءتۇسىندىرۋ جۇمىستارىنىڭ ناتيجەسىندە 109 باس تارتۋشىعا ۆاكتسيناتسيا جاسالىنعان. وبلىس بويىنشا 2018 جىلعا جەرگىلىكتى بيۋدجەت قارجىسىنان تۇماۋعا قارسى 201000 «گريپپول+» ۆاكتسيناسىنىڭ دوزاسى الىنعان. تۇماۋعا قارسى ەگۋمەن وبلىس تۇرعىنىنىڭ 10,2%-ى قامتىلىپتى. سونىمەن قاتار, جۇمىس بەرۋشىنىڭ ەسەبىنەن 1549 جۇمىسشى ەگىلگەن.  «قوعامدىق دەنساۋلىق ساقتاۋ دەپارتامەنتىمەن ونىمدەردىڭ قاۋىپسىزدىگىن مونيتورينگىلەۋ شەڭبەرىندەگى جوسپار-كەستەگە سايكەس, 12 اي كولەمىندە 3346/177 (5,2%) ونىمدەردىڭ سىنامالارى تەكسەرىلدى.  تالاپقا ساي كەلمەيتىن ونىمدەردىڭ 65-ءى (38,2%) –قازاقستاندىق, 86-سى (50,5%) - ەۋرازيالىق ەكونوميالىق وداققا مۇشە مەملەكەتتەردىڭ ونىمدەرى, 19-ى (11,1%) - باسقا مەملەكەتتەردىڭ ونىمدەرى.

تەحنيكالىق رەگلامەنتتەر تالاپتارىنا سايكەس كەلمەيتىن ونىمدەر بويىنشا ساۋدا ورىندارىنا حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى قازاقستان رەسپۋبليكاسى زاڭناماسىنىڭ تالاپتارىن بۇزۋشىلىقتارى بويىنشا 86 ۇيعارىم بەرىلىپ, 31 حاتتاما تولتىرىلدى, 1178450 تەڭگەگە ايىپپۇل سالىندى. بەرىلگەن ۇيعارىمنىڭ ۋاقىتىلى ورىندالماۋىنا بايلانىستى 4 قۇجاتتار راسىمدەلىپ سوتقا وتكىزىلىپ, قاۋلىعا سايكەس 817700 تەڭگەگە ايىپپۇل سالىندى» , -دەيدى نۇربەك نىشانوۆ.

عالىمجان ەلشىباي,

«ەگەمەن قازاقستان»

تۇركىستان وبلىسى