ەتتى ەكسپورتقا شىعارۋ جوسپارى 25% -عا ارتىق ورىندالدى. بۇل تۋرالى قر اۋىل شارۋاشىلىعى مينيسترلىگىنىڭ وكىلدەرى «اۋىل شارۋاشىلىعىنىڭ نەگىزگى سالالارىنداعى ءبىر جىلداعى ناتيجەلەر: مال شارۋاشىلىعى, وسىمدىك شارۋاشىلىعى» اتتى تاپقىرىپتا وتكەن بريفينگتە مالىمدەدى, دەپ حابارلايدى اۋىل شارۋاشىلىعى مينيسترلىگىنىڭ ءباسپاسوز قىزمەتى.
21-جەلتوقسانداعى مالىمەتكە سۇيەنسەك, ەت ەكسپورتىنىڭ كولەمى 18,8 مىڭ توننانى قۇراعان. ال جوسپارلانعان كولەم 15 مىڭ توننا. سىرتقا شىعارىلعان ەتتىڭ تەڭ جارتىسى تۇركىستان وبلىسىنا تيەسىلى. سالىستىرمالى تۇردە ايتاتىن بولساق, 2017 جىلى ەكسپورتقا شىققان ەتتىڭ كولەمى 5,5 مىڭ توننانى قۇراعان.
اعىمداعى جىلدىڭ ەكىنشى جارتسىنان شاعىن جانە ورتا شارۋاشىلىقتارعا نەگىزدەلگەن «ەتتى مال شارۋاشىلىعىن دامىتۋ» باعدارلاماسىن ىسكە اسىرۋ باستالىپ كەتتى. ونى جۇزەگە اسىرۋ ءۇشىن ارنايى جەڭىل نەسيە بەرۋدى قاراستىراتىن «سىباعا» باعدارلاماسى باستاۋ الدى. جۇمىس جىلدىڭ ەكىنشى جارتسىندا باستالعانىمەن بەلگىلەنگەن مەجەدەن ارتىق ورىندالدى. بۇگىنگى تاڭدا 700 فەرمەر نەسيە الدى.
شارۋاشىلىقتاردىڭ ءىرى قار مال ساتىپ الۋ بويىنشا جىلدىق جوسپارى 50,0 مىڭ باس. 11 ايدا 67 مىڭ باسقا ءوتىنىم قابىلدانىپ, 55 مىڭ باس مالعا بەرىلگەن ءوتىنىم قابىلدانىپ, نەسيە بەرىلگەن. سونداي-اق «التىن اسىق» باعدارلاماسى بويىنشا 170 مىڭ باس قوي ساتىپ الىنعان.
انالىق مالدى اسىلداندىرۋ بويىنشا جوسپار 1,0 ملن.باس. بۇگىنگى تاڭدا اسىلداندىرۋعا 977 مىڭ باس مال (98%) قاتىسىپ وتىر.
قازاقستانعا 14,5 مىڭ باس ءىرى قارا اكەلىنگەن. از ۋاقىت مال اكەلۋدە كىدىرىس بولدى (شىلدە-جەلتوقسان), وعان سەبەپ يمپورتتاۋشى ەلدەردىڭ ەپيزووتيالىق جاعدايى.
وبلىستىق اۋىل شارۋاشىلىعى باسقارمالارىنىڭ مالىمەتى بويىنشا, 2018 جىلى 15,1تس/گا استىق ونىمدىلىگىنەن 22,8 ملن.توننا بيداي جينالدى. جالپى استىق كولەمى وتكەن جىلدان 760 مىڭ تونناعا نەمەسە 3%-عا ارتىق, استىق ونىمدىلىگى 0,6 تس/گا نەمەسە 4%.
قيار باعاسىنا قاتىستى ايتاتىن بولساق, سپيكەرلەر بيىلعى جىلى قيار ەگۋ كولەمى 2,5 مىڭ گەكتارعا ارتقان, جالپى ءونىم كولەمى 460 مىڭ توننانى قۇرادى, بۇل وتكەن جىلدان 50 مىڭ تونناعا ارتىق. ىشكى نارىقتاعى سۇرانىس 480 مىڭ توننانى قۇراپ وتىر.
كوكونىس باعاسىنىڭ كۇرت ءوسۋى كۇننىڭ مەرزىمىنە بايلانىستى. سونىمەن قاتار, جوعارىدا كورسەتىلگەن سەبەپتەن بولەك ازىق-ت ۇلىك تاۋارلارى باعاسىنىڭ ءوسۋى – تاۋارلاردىڭ جانە ءونىمنىڭ باعاسىنىڭ ارتۋىنا تىكەلەي اسەر ەتەدى (جانار-جاعارماي, ەلەكترقۋاتى, كوممۋنالدىق قىزمەت).
الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ماقساتىندا وڭىرلەر ازىق-ت ۇلىك ونىمدەرىنە وڭىرلىك تۇراقتاندىرۋ قورلارىن قۇرىپ جاتىر, قازاقستاننىڭ 5 ءىرى قالالارىندا كوتەرمە جانە بولشەك ساۋدا ورتالىقتارى قۇرىلىسى جۇرگىزىلۋدە.