بۇگىن الماتى قالاسىنا رەسمي ساپارى اياسىندا قر پرەمەر-ءمينيسترى باقىتجان ساعىنتاەۆ قالانىڭ تۋريستىك الەۋەتىنىڭ دامۋىمەن تانىسۋ ماقساتىندا بىرقاتار ينفراقۇرىلىمدىق نىساندارعا : «الماتى-2» تەمىرجول ۆوكزالىنا جانە Visit Almaty تۋريستىك حابىنا باردى. وسى جەردە Carsharing جاڭا سەرۆيسىنىڭ پرەزەنتاتسياسى ءوتتى, دەپ حابارلايدى primeminister.kz.
بيىل قاراشا ايىندا بالۋان شولاق اتىنداعى سپورت سارايىندا اشىلعان Visit Almaty تۋريستىك حابىن ارالۋ كەزىندە پرەمەر-مينيسترگە كونسۋلتاتسيا ورتالىعىندا ءار ءتۋريستىڭ بارلىق قاجەتتى اقپاراتتى: كارتالاردى, جولنۇسقاۋلاردى, تاۋ باعدارلارىنىڭ اتلاستارىن, تۋروپەراتورلاردىڭ بروشيۋرالارىن, مادەني-بۇقارالىق شارالاردىڭ اڭداتپالارىن ت.ب. الا الاتىنى تۋرالى باياندالدى. بۇدان باسقا, كونسۋلتانتتار ءتۇرلى ماسەلەلەردى — زاڭمەن جانە دەنساۋلىقپەن بايلانىستى شۇعىل ماسەلەلەردەن باستاپ, لوگيستيكالىق, مىسالى, «قاي جەردە تاماق ءىشىپ, كوكتوبەگە قالاي جەتۋگە بولادى» دەگەن ءتارىزدى ماسەلەلەردى شەشۋگە دەيىن كومەك كورسەتە الادى. 11 ايدا ورتالىقتان 25,2 مىڭنان استام تۋريست كەڭەس العان.
ب. ساعىنتاەۆ تۋريستەردىڭ اقپاراتتىق ورتالىعىن ارالاپ كوردى. Qazaq Oner قولونەر ورتالىعىنىڭ ديرەكتورى ا. جانسەرىكوۆا فوتوعا تۇسۋگە بولاتىن كيىز ءۇي ماڭىندا كيىز ۇيمەن تانىستىرىپ, حابتىڭ ءتيىمدى ورنالاسۋىن اتاپ ءوتتى. مۇندا تۋريستىك الەۋەتتى ىلگەرلەتۋ بويىنشا جوبالار ىسكە اسىرىلىپ, ءوڭىردىڭ باسەكەگە قابىلەتتىلىگىنىڭ جانە ءتۋريزمدى دامىتۋ مۇمكىندىكتەرىنىڭ تالداۋى جاسالادى. ورتالىق اۋماعىندا ۇلتتىق ستيلدە ناقىشتالعان جەتى تانىم ايماعى اشىلدى, تۋريستەرگە ارنالعان كوۆوركينگ-الاڭ بار.
قالا اكىمىنىڭ ورىنباسارى ە. اۋكەنوۆ ءوز كەزەگىندە, جۇرگىزىلىپ جاتقان جۇمىستاردىڭ ارقاسىندا قالاداعى تۋريستەر سانى بيىل وتكەن جىلمەن سالىستىرعاندا 11%-عا ارتقانىن باياندادى. الماتىعا 43,6% تۋريست كەلگەن, بۇل قازاقستانعا كەلەتىن شەتەلدىك تۋريستەردىڭ جارتىسىنا جۋىعى. 2018 جىلدىڭ ءىى توقسانىندا الماتىعا كەلگەن تۋريستەردىڭ سانى 503 مىڭ ادامدى قۇرادى.
تۋريستىك تارتىمدىلىقتى ارتتىرۋعا مۇمكىندىك بەرەتىن جوبالاردىڭ ءبىرى 2019–2020 جىلدارعا جوسپارلانعان, «الماتى-2» تەمرجول ۆوكزالىنىڭ رەكونسترۋكتسياسى بولادى. نىساندى ارالاۋ كەزىندە ب. ساعىنتاەۆقا جوبانىڭ «الماتى-2» جانە «الماتى-1» اراسىندا ەكىنشى جولدى, قوسىمشا تەرمينالدى, جەراستى وتكەلدەرى مەن قالا ماڭى باعىتتارى ءۇشىن جاڭا جولاۋشىلار پلاتفورمالارىن سالۋدى قاراستىراتىنى باياندالدى. جالپى, ۆوكزالدى جاڭعىرتۋ نىساننىڭ پايدالى اۋماعىن ەكى ەسەگە ارتتىرۋعا مۇمكىندىك بەرەدى.
مۇندا پرەمەر-مينيسترگە وڭتۇستىك استانانىڭ كولىك ينفراقۇرىلىمىن دامىتۋ تۋرالى باياندالىپ, «كارشەرينگ» جاڭا سەرۆيس جۇيەسى تانىستىرىلدى. بۇل جۇيە ءموبيلدى قوسىمشا ارقىلى ءاۆتوموبيلدى مينۋتپەن جالعا الۋدى راسىمدەۋگە مۇمكىندىك بەرەدى. بۇل قىزمەت جۇرگىزۋشى كۋالىگى بار كەز كەلگەن ادام ءۇشىن قولجەتىمدى. الماتىدا سەرۆيس وسى جىلدىڭ قازان ايىندا ىسكە قوسىلدى, وتكەن ۋاقىت ىشىندە سەرۆيسكە تىركەلگەن پايدالانۋشىلار سانى 10 مىڭ ادامنان اسادى. ب. ساعىنتاەۆ سەرۆيس پايدالانۋشىلارى ءۇشىن قولجەتىمدى بولاتىن جاڭا جەڭىل كولىكتەر قاتارىن كوردى. بارلىعى جۇزدەن استام اۆتوموبيل قويىلعان, 2019 جىلى ولاردىڭ سانى 500-گە جەتەدى, ال 2021 جىلى ەلىمىزدە 1,5 مىڭ اۆتوموبيلدەن تۇراتىن پارك بولادى. Anytime كومپانياسىنىڭ اقپاراتىنا سايكەس, 2019 ج. ناۋرىزدا سەرۆيستى استانادا, ال 2019 جىلدىڭ سوڭىندا شىمكەنتتە ىسكە قوسۋ كوزدەلىپ وتىر.
الماتى اكىمدىگىنىڭ اقپاراتى بويىنشا, بيىل قالالىق اۆتوبۋس پاركىن جاڭارتۋ كورسەتكىشى 80%-عا جەتەدى. جەكە ينۆەستيتسيالار ەسەبىنەن اۆتوپارك پەن ءۇشىنشى بۋىننىڭ ەلەكترلىك اۆتوبۋستارىن شىعاراتىن زاۋىت سالىندى. ولاردى ءارى قاراي قالا مارشرۋتىنا قوسقاننان كەيىن الماتى قالاسىنىڭ ەكولوگيالىق احۋالىنا وڭ اسەر ەتەرى ءسوزسىز. سونداي-اق, الماتىدا قازاقستاندا العاشقى BRT (جىلدامدىعى جوعارى قوعامدىق كولىك) جەلىسى ۇيىمداستىرىلدى. قوعامدىق كولىك ءۇشىن 110 شاقىرىمدىق جول مەن 10 ورتالىق كوشەلەردە ءبىر جاقتى قوزعالىس ەنگىزىلدى, ال وربيتادان جاسىل بازارعا دەيىن ۆەلودالىز جاسالدى. قالانىڭ ورتالىعىن شەتكى بولىكتەرىمەن, قالاعا قوسىلعان اۋداندارمەن بايلانىستىراتىن ەكى مەترو ستانتسياسى سالىنىپ جاتىر.
بۇگىندە الماتىدا قوعامدىق كولىكتەگى بارلىق ترانزاكتسيالاردىڭ 97%-ى قولما-قول اقشاسىز جۇزەگە اسىرىلادى. GPS جۇيەسىمەن جانە اۆتوبۋستارداعى بەينەكامەرالارمەن اۆتوماتتاندىرىلعان ديسپەتچەرلىك باسقارۋ جۇيەسى ەنگىزىلدى, سونداي-اق تاسىمالداۋشىلاردى سۋبسيديالاۋ كەزىندە جولاۋشىلاردىڭ شاعىمدارى تۇسەتىن ايىپپۇلدار جۇيەسى ەنگىزىلدى. قالادا جول قوزعالىسى ەرەجەلەرىن بۇزۋدىڭ فوتو-بەينەتۇسىرىلىم جۇيەسى بار, 709 جولاق باقىلانادى, كەلەسى جىلدان باستاپ پوستتار ەكى ەسەگە ارتپاق.
ەستەرىڭىزگە سالا كەتەيىك, مەملەكەت باسشىسى ءتۋريزمدى دامىتۋعا ەرەكشە كوڭىل بولەدى. ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا كەز-كەلگەن ءوڭىر ءۇشىن بولاشاعى جارقىن سالانىڭ ءبىرى بۇگىندە الەمدەگى ءاربىر ونىنشى جۇمىس ورنىن قۇرىپ وتىرعان ىشكى جانە كىرمەلىك ءتۋريزمدى دامىتۋ ەكەندىگى ايتىلدى. وسىعان بايلانىستى ۇكىمەت ينفراقۇرىلىمدى دامىتۋ جانە تۋريزم يندۋسترياسىنداعى كەدەرگىلەردى جويۋ بويىنشا كەشەندى جۇمىس جۇرگىزىپ كەلەدى. 2019 جىلى ءتۋريزمدى 2023 جىلعا دەيىن دامىتۋدىڭ مەملەكەتتىك باعدارلاماسى العاش رەت ازىرلەنەدى. باعدارلامانىڭ نەگىزگى كورسەتكىشى ءتۋريزمنىڭ ءجىو-گە قاتىستى ۇلەسىنىڭ 8%-عا دەيىن ۇلعايۋى بولماق.