بۇگىن «نۇر وتان» پارتياسىنىڭ وكىلدەرى مەن استانا قالاسىنداعى قوعامدىق بىرلەستىكتەر, ديپلوماتيالىق وكىلدىكتەر مۇشەلەرى كەزدەستى. كەزدەسۋ بارىسىندا قوناقتار سەرىك ەسماتوۆقا جاڭا اربا, نوۋتبۋك جانە سپورتتىق كوستيۋمدەر تابىس ەتتى.
2 جەلتوقسان كۇنى ەلشىلەردىڭ ايەلدەرى قاۋىمداستىعى مەن استاناداعى ديپلوماتيالىق ميسسيالارى ۇيىمداستىرعان جىل سايىنعى قايىرىمدىلىق جارمەڭكەسى وتكەن بولاتىن. جاسوتاندىق بەلسەندىلەر جارمەڭكەدەن سىرت قالماي, سەرىك ەسماتوۆتىڭ اتىنان قايىرىمدىلىق شاراعا 100 بيلەت ساتىپ الدى. جينالعان قاراجاتقا «نۇر وتان» پارتياسىنىڭ مۇشەسى, «قازاقستاننىڭ 100 جاڭا ءeciمى» جوباسىنىڭ جەڭىمپازى, ۆولەيبول بويىنشا قازاقستاننىڭ پاراوليمپيالىق جاستار قۇراماسىنىڭ كاپيتانى سەرىك ەسماتوۆقا مۇگەدەك ارباسى ساتىپ الىندى. سونداي-اق بىرىككەن اراب امىرلىكتەرىنىڭ ەلشىلىگى سپورتشىعا نوۋتبۋكپەن قاتار, ءباا-نە وتباسىمەن بىرگە جولداما بەردى. جارمەڭكەدە سپورتشىنىڭ اتىنان جازىلعان بيلەتتەر لوتەرەيادا ۇتىستى بولىپ, دەمەۋشىلەردىڭ ءتۇرلى سىيلىقتارىن ۇتىپ الدى.
كەزدەسۋگە كەلگەن قوناقتار اراسىندا بەلارۋس رەسپۋبليكاسىنىڭ قازاقستانداعى توتەنشە جانە وكىلەتتى ەلشىسىنىڭ ايەلى نيچكاسوۆا يۋليا, ءباا ەلشىلىگىنىڭ ۋاقىتشا سەنىمدى وكىلى اممار البرەيكي, «دوس» تاۋەلسىز ءومىر» قب پرەزيدەنتى ەرديلدينوۆا دينا, استانا قالاسىنىڭ «رەسپۋبليكالىق ايەلدەر كەڭەسى» قب توراعاسى بالتاەۆا حانزادا بار.
سەرىك ەسماتوۆ – «نۇر وتان» پارتياسىنىڭ مۇشەسى, پاراليمپياداشى, تۋريزم جانە سپورت اكادەمياسىنىڭ ستۋدەنتى, ۆولەيبولدان قازاقستان جاستار قۇراماسىنىڭ كاپيتانى. «قازاقستاننىڭ 100 جاڭا ەسىمى» جوباسىنىڭ جەڭىمپازى. بالا كەزىنەن سپورتپەن بەلسەندى اينالىسىپ كەلەدى. الايدا 2011 جىلدىڭ 30 تامىزىندا ول پوەزدىڭ استىنا ءتۇسىپ, ەكى اياعىنان ايىرىلعان. رۋحىن جوعالتپاعان سەرىك سپورتپەن اينالىسۋدى توقتاتپادى. كەرىسىنشە كوپتەگەن تۇرىنە قىزىعا باستادى. ول ۆولەيبول ويناپ, جەڭىل اتلەتيكامەن اينالىسادى. اربادا جۇگىرۋگە قاتىسادى, يادرو مەن نايزا لاقتىرادى. سوڭعى ۋاقىتتا اۋىر اتلەتيكا مەن جۇزۋدە ءوزىن سىناپ ءجۇر. 2013 جىلدىڭ قازان ايىندا سەرىك مالايزيادا وتكەن العاشقى ءىرى جارىسىنا قاتىستى. سەرىكتىڭ «جاس وتان» جاستار قاناتىنىڭ IV سەزىندە سويلەگەن ءسوزى جاستارعا ەرەكشە موتيۆاتسيا بەردى.