«تۇران» ۋنيۆەرسيتەتىندە قازاقستانداعى ءار ءتۇرلى قوعامدىق قۇبىلىستار مەن وقيعالاردىڭ قالىپتاسۋ كوزدەرىن, رەكوردتاردى, قازاقستادىقتاردىڭ جەتكەن جەتىستىكتەرىن ماڭگى ەستە ساقتاۋ ماقساتىندا جازىلعان العاشقى كىتاپ – «قاەا – 2014-2018» اقپاراتتىق-ەنتسيكلوپەديالىق انىقتامالىعىنىڭ تۇساۋكەسەرى ءوتتى.
انىقتامالىقتىڭ مازمۇنى ەلىمىزدىڭ كەشەگى, بۇگىنگى جارقىن كەلبەتىمەن تولىقتىرىلعان.
تانىستىرىلىم بارىسىندا ەنتسيكلوپەديانىڭ باس رەداكتورى قۋانىش تازابەكوۆ قازاقستاندىق رەكوردتار كىتابىنىڭ كەيىپكەرلەرىنە ارنايى سەرتيفيكاتتار تابىس ەتتى. ولاردىڭ قاتارىندا ەڭ تانىمال جانە ايگىلى دجاز ءانشى يرەن اراۆينا, اكتريسا, رەجيسسەر, ارتيشوك تاۋەلسىز ەكسپەريمەنتالدىق تەاترىنىڭ نەگىزىن قالاۋشىلاردىڭ ءبىرى جانە كوركەمدىك جەتەكشىسى گالينا پيانوۆا, «تۇران» فولكلورلىق-ەتنوگرافيالىق ءانسامبلى, «سەگىزدىك» شەگە بايلايتىن ۇجىم – قازاقستاندىق ۇلكەن كۇش يەسى, رەكوردشى سەرگەي تسىرۋلنيكوۆ, 1980 جىلعى ءححىى جازعى وليمپيادا ويىندارىنىڭ (گرەك-ريم كۇرەسى) العاشقى قازاق چەمپيونى جاقسىلىق ۇشكەمپىروۆ, سونداي-اق, اتى اڭىزعا اينالعان قازاقستاندىق بايكەر دميتري پەترۋحين, قازاقستاندىق الپينيزم اڭىزدارى قازبەك ۆاليەۆ پەن ماقسۇت جۇماەۆ, Nomad كاسكادەرلىك كومانداسى, قازاقستاننىڭ №1 دونورى الەكساندر سكاكوۆسكي, دەنەدە سەگىز كيلوگراممعا دەيىنگى مەتالل زاتتاردى ۇستاپ تۇرۋعا قابىلەتتى «ماگنيت ايەل» قارىلعاش نيگمەتوۆا, قازاقستانداعى العاشقى زاعيپ تەلەجۇرگىزۋشىلەر – ءمادينا ەرماحانوۆا مەن ەربەك باكيەۆ جانە ت.ب. وسى كەزدەسۋ اياسىندا نيۋ-يوركتەن بەينەۇندەۋ ارقىلى 2017 جىلى نيۋ-يورك قالاسىنىڭ ۇزدىك پوليتسەيى اتانعان كاسىبي بوكستان الەم چەمپيونى, قازاقستاندىق رەكوردتار كىتابىنىڭ كەيىپكەرى ديماش نيازوۆ قۇتتىقتاۋ لەبىزىن ءبىلدىردى.
سەرتيفيكاتتاردى تابىستاۋ راسىمىنەن كەيىن كەيىپكەرلەردىڭ قاتىسۋىمەن جارقىن كورسەتىلىم ءوتتى.
ەلۆيرا سەرىكقىزى,
«ەگەمەن قازاقستان»
الماتى