بۇگىن Google قازاقستان بيىل ەڭ كوپ قويىلعان سۇراۋلاردىڭ قورىتىندىسىن جاريالادى.
قازىرگى تاڭدا لارري پەيدج بەن سەرگەي برين 1998 جىلى قۇرعان Google كومپانياسىندا دۇنيەجۇزى بويىنشا 50 مىڭنان اسا قىزمەتكەر جۇمىس ىستەيدى. ول ءوز كەزەگىندە Google ىزدەۋ, كارتالار, AdWords, Gmail, Android, Chrome مەن YouTube سىندى ونىمدەر مەن پلاتفورمالاردىڭ كەڭ اۋقىمىن ۇسىنادى. سونداي-اق Google كومپانياسى 2015 جىلى Alphabet حولدينگتىك كومپانياسىنىڭ قۇرامىنا كىردى.
جىل سايىن ءداستۇرلى تۇردە جىلدىڭ اياعىندا بۇل كومپانيا Google-دان قازاقستاندىقتاردىڭ نە سۇراعانىن انىقتاۋ ءۇشىن ميلليونداعان ىزدەۋدى تالدايدى.
وتكەن جىلى قازاقستاندا Google ارقىلى ەڭ ايگىلى ىزدەۋ-سۇرانىم رەسەيدە وتكەن فۋتبولدان الەم چەمپيوناتى, ياعني «2018 ءاچ» بولدى. سونىمەن بىرگە سۇرانىمداردىڭ ءبىرىنشى وندىعىندا كۇندەلىك – ەلەكتروندى كۇندەلىك, «ماجور» سەريالىنىڭ ءتۇرلى ماۋسىمدارى, «رۋبلەۆكان شىققان پوليتسيا قىزمەتكەرى», «اققان جۇلدىزدار باعى» جانە «بويداق» تد – شوۋى بار. سونىمەن بىرگە قازاقستاندىق كورەرمەندەردى 2018 جىلدىڭ بەينە فيلمدەرى, قازاقشا – ورىسشا ەلەكتروندى اۋدارماشى مەن بيىلعى ورازانىڭ اۋىز بەكىتۋ كەستەلەرى قىزىقتىرعان.
«جىل ادامى» – قازاقستاننىڭ اتاقتى مانەرلەپ سىرعاناۋشىسى – دەنيس تەننىڭ قازاسى بولدى. ەكىنشى ورىندا – Xxxtentacion, ول وتكەن جىلدىڭ جازىندا قازا بولعان لودەرحيللدان شىققان امەريكاندىق رەپەر. كوشباسشىلار ۇشتىگىن UFC اياسىندا ونەر كورسەتەتىن حابيب نۋرماگومەدوۆ جابادى. سونىمەن بىرگە قازاقستاندىقتار ستيۆەن حوكينگ, مەگان ماركل, ستەن لي, كونور ماكگرەگور, يوسيف كوبزون, حورۆاتيا پرەزيدەنتى مەن ولەگ تاباكوۆ جايلى اقپاراتتاردى ىزدەگەن.
بەينە فيلمدەر اراسىندا 2018 جىلى بەزبۇيرەك «ۆەنوم» تۋرالى كينوكوميكس كوشباسشى بولدى. سونىمەن بىرگە بۇل وندىققا «كەكشىلدەر» كوميكستار نەگىزىندەگى بىرنەشە بەينە فيلمدەر كىردى: «شەكسىزدىك سوعىسى», «دەدپۋل 2» جانە «قارا پانتەرا». سونىمەن بىرگە قازاقستاندىقتار «دەمالىستاعى قۇبىجىقتار 3» ءمۋلتفيلمى تۋرالى, «سۇر ءتۇستىڭ 50 وزگەشەلىگى» رومانىنىن ەكرانعا ءتۇسىرۋ جالعاسىن, «جوعارىعا قوزعالىس» سپورتتىق دراما جانە «فانتاستيكالىق ماق ۇلىقتار: گريندەلۆالد قىلمىستارى» فانتاستيكالىق بەينە ءفيلمى تۋرالى اقپارات ىزدەگەن. وتاندىق فيلمدەردەن وندىققا «امەريكاداعى قازاقشا بيزنەس» جانە «اعا جانە نەكە» كومەديالارى كىردى.
«جىل سەريالى» كاتەگورياسىندا «ماجور 3» پەن «رۋبلەۆكادان شىققان پوليتسيا قىزمەتكەرى», «اققان جۇلدىزدار باعى», «يۆانوۆتار يۆانوۆتار» جانە «گراند ليون» سەريالدارى سۇرانىستا بولعان.
Google پايدالانۋشىلارىنىڭ اراسىندا قازاقستاندا ەڭ تانىمال تد – شوۋى «بويداق» شوۋىنىڭ 6 ماۋسىمى بولدى. سونىمەن قاتار, قازاقستاندىقتار «تنت – داعى اندەر», «بۋزوۆاعا تۇرمىسقا شىعۋ», «كورىپكەلدەر كۇرەسى» 19 ماۋسىمى, «ەۆروۆيدەنيە 2018» جانە ء«ۇي 2» شوۋلارىن ىزدەگەن. قازاقستاندىق تد-شوۋلارىنىڭ ىشىنەن «قالاۋلىم» شوۋى قىزىقتىرعان.
«جىل ساتىپ الۋى» كاتەگورياسىندا تاعى دا تەمىرجول بيلەتى الدا. سونىمەن بىرگە قازاقستاندىقتار الماتى قالاسىنان ءۇي ساتىپ الۋدى, ۇشاققا جانە كينوعا بيلەتتەر ساتىپ الۋ, ۆەلوسيپەد پەن قاراعاندىدا پاتەر ساتىپ الۋ تۋرالى اقپاراتتاردى ءجيى ىزدەگەن.
ايناش ەسالي,
«ەگەمەن قازاقستان».
الماتى