تەمىربەك جۇرگەنوۆ اتىنداعى قازاق ۇلتتىق ونەر اكادەمياسىندا قازاقستانداعى «ونەر» باعىتى بويىنشا جوو وكىلدەرىنىڭ قاتىسۋىمەن رەسپۋبليكالىق وقۋ-ادىستەمەلىك بىرلەستىگىنىڭ كەڭەسى ءوتتى.
وقۋ-ادىستەمەلىك بىرلەستىگىنىڭ قۇرامىنا «ونەر» باعىتى بويىنشا جۇمىس بەرۋشىلەرىنىڭ, ۇكىمەتارالىق ۇيىمداردىڭ, شىعارماشىلىق وداقتاردىڭ وكىلدەرى ارنايى شاقىرىلعان كوشپەلى جيىنى بارىسىندا كەڭەس مۇشەلەرى ونەر ماماندىقتارىن ۇلتتىق ونەرمەن تىعىز بايلانىستىراتىن يننوۆاتسيالىق ءبىلىم بەرۋدىڭ جاڭا ادىستەمەلەرىن, وقۋ-ادىستەمەلىك جۇمىستاردى ۇيىمداستىرۋ, زاماناۋي ءبىلىم بەرۋ تەحنولوگيالارى, ت.ب. ماسەلەلەر توڭىرەگىندە پىكىر الماستى.
ونەر اكادمياسى ءۇشىن ەلباسىنىڭ « ۇلى دالانىڭ جەتى قىرى» باعدارلامالىق ماقالاسى جاڭا ماقساتتارعا جول اشادى. زاماناۋي الەمدە ۇلتتىق سانانى قالىپتاستىرىپ, حالقىمىزدىڭ تاريحىن دارىپتەۋدە اتقارىلاتىن يگى ىستەر مول. ماقالا تۇجىرىمداماسى ۇلتتىق پەداگوگيكانىڭ, عىلىمنىڭ, مادەنيەت پەن ونەردىڭ دامۋىنا شىعارماشىلىق سەرپىن بەرەدى.
وسى باعىتتا قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى ارمان جۇدەباەۆ ء«بىلىم بەرۋ جۇيەسىنىڭ مودەرنيزاتسيا جاعدايىنداعى شىعارماشىلىق جوو» تاقىرىبىندا بايانداما جاساپ, ءبىلىم بەرۋ جۇيەسىندە بولىپ جاتقان ماڭىزدى وزگەرىستەر, دايىندىقتىڭ بارلىق دەڭگەيلەرi مەن باعىتتارى, شىعارماشىلىق بiلiم بەرۋ جۇيەسiنىڭ بەلسەندiلىگى تۇرعىسىندا تۇششىمدى پىكىرلەر بىلدىرسە, وزگە قاتىسۋشىلار ەلىمىزدەگى جوعارى وقۋ ورىندارىنىڭ ماڭىزى مەن شىعارماشىلىق ماماندىقتاردىڭ ساپاسى, كەلەشەگى تۋرالى پىكىرلەرىمەن ءبولىستى. وقۋ-ادىستەمەلىك بىرلەستىك مۇشەلەرىنىڭ پىكىرىنشە, وتىرىستا قابىلدانعان ۇسىنىستار جاھاندىق باسەكەگە قابىلەتتىلىك جاعدايىندا ءبىلىم بەرۋ باعدارلامالارىن جوعارى دارەجەگە جەتكىزۋگە مۇمكىندىك بەرەدى.
ەلۆيرا سەرىكقىزى,
«ەگەمەن قازاقستان»
الماتى