ۇلى دالانىڭ جەتى قىرى فوردتار جەرىندە

قازاقستان ديپلوماتتارى قوناقتار نازارىنا ەلباسى نۇرسۇلتان نازارباەۆتىڭ  «قازاقستان  جولى» كىتابىن نورۆەگ تىلىندە, سيرياداعى شيەلەنىستى جاعدايدى شەشۋدەگى استانانىڭ ۇلەسى تۋرالى «بىتىمگەر» ەڭبەگىن تاعى باسقا كىتاپتارىن اعىلشىن تىلىندە ۇسىندى.  

جيىنعا قاتىسۋشىلار قازاقستان پرەزيدەنتىنىڭ «اتوم» باستاماسىنا قولداۋ ءبىلدىرىپ, ىسكە اسىرۋ ماقساتىندا يادرولىق سىناقتاردى توقتاتۋ جونىندەگى پەتيتسياعا قول قويۋ اكتسياسىنا قاتىستى. نورۆەگيا ءدىني ۇيىمدارمەن بايلانىس كەڭەسىنىڭ باسشىسى ينگريد روزەندورف: «بۇل زاماناۋي اسا قاجەت باستامانى قولدايمىن. مەن قازاقستاننىڭ باسقا دا حالىقارالىق باستامالارىمەن جاقسى تانىسپىن. قازان ايىندا استانادا وتكەن الەمدىك جانە ءداستۇرلى دىندەردىڭ سەزىنە قاتىسىپ, قازاقستان پرەزيدەنتى مەن ۇكىمەتى دىندەر ارالىق ديالوگتى بارىنشا جەڭىلدەتۋگە قىرۋار جۇمىس جاساپ جاتقانىنا كۇا بولدىم. بۇل نورۆەگيادا ءبىزدىڭ اتقارىپ جاتقان شارۋالارمەن ۇندەس. قازاقستان – جىل سايىن كونفەسسيالار سانى ءوسىپ كەلە جاتقان ەل. ءدىننىڭ كوپتىگى ازاماتتىق قوعامنىڭ, ءوزارا تۇسىنىستىكتىڭ دامۋىنىڭ كەپىلى دەپ بىلەمىن. قازاقستاننىڭ دىنارالىق سەرىكتەستىكتى الەمدىك دەڭگەيدە بەلسەندى ناسيحاتتاۋى ءبىزدى تامساندىرادى.

شاقىرىلعاندار ەلباسىنىڭ قازاقستان حالقىنا جولداۋىندا جاريا ەتىلگەن باستامالارىمەن جانە جاقىندا جارىق كورگەن « ۇلى دالانىڭ جەتى قىرى» ماقالاسىندا ايتىلعان ۇلتتىق تاريحىمىزدىڭ, مادەنيەتىمىزدىڭ جاھاندىق وركەنيەتكە قوسقان ۇلەسى تۋرالى كەڭىنەن تانىستى.  

سونداي اق, قوناقتارعا قازاقستاننىڭ تۋريستىك مۇمكىندىكتەرى ارنايى تانىستىرىلدى. قازاقستاننىڭ تۋريستىك حابىنىڭ جاڭا مۇمكىندىكتەرى جايلى «قازاق تۋريزم» وتاندىق كومپانياسى مەن كەلەر جىلى تۇراقتى تۇردە ۇلى دالا ەلىنە تۋريستىك ساپارلار ۇيىمداستىرۋدى قولعا نورۆەگيالىق «ۆيتۋس» كومپانياسى جينالعاندارعا تولىققاندى اقپارات بەردى. «ماكسيشيپينگ» لوگيستيكالىق كومپانياسىنىڭ كوممەرتسيالىق ديرەكتورى كريستيان كلەممەتسەن: «قازاقستاننىڭ تۋريستىك مۇمكىندىكتەرىمەن قاتار ترانزيتتىك, لوگيستيكالىق مۇمكىندىكتەرى دە ءبىزدى قىزىقتىرادى. ءبىزدىڭ جۇك تاسىمالى تەمىرجول پوەزدارى ەۋروپادان ورتالىق ازياعا تاۋار تاسيدى. سوندىقتان قازاقستاننىڭ قۇرلىقتاعى لوگيستيكاسىنا سۇرانىس جوعارى. شىنىندا دا, بۇل وتە ءتيىمدى مارشرۋت, تەڭىز جولىنان جىلدام, اۋە قاتىناسىنان الدەقايدا ارزان».

قازاقستان پرەزيدەنتىنىڭ ۇلتتىق سانانى تۇلەتكەن « ۇلى دالانىڭ جەتى قىرى» ماقالاسىندا ايتىلعان تەرەڭ ويلاردى جاھانعا جەتكىزۋ ماقساتىندا, قازاقتىڭ تاريحى مەن مادەنيەتىنەن مول ماعلۇمات بەرەتىن ء«سان مەن ساحنا» حالىقارالىق فەستيۆالىنىڭ كورسەتىلىمى بولدى. فەستيۆال ديرەكتورى, بەلگىلى ەتنو ديزاينەر حانۋم ايداشتىڭ بۇل سكانديناۆيا ەلىنە ەكىنشى ساپارى. وسى جولى فەستيۆال شەڭبەرىندە نورۆەگيالىقتارعا قىزىلوردالىق ەتنوديزاينەر قارلىعاش ءىلياسوۆا مەن اقتاۋلىق ءمولدىر بەكىباەۆانىڭ «شىن جۇرەكتەن» كوللەكتسياسى تانىستىرىلىپ, جينالعانداردى تامساندىردى.

وسلو قالاسىنداعى «كون-تيكي» مۇراجايىنىڭ ديرەكتورى مارتين بيل: «مەن ءۇشىن نورۆەگياداعى قازاقستان كۇنىنە قاتىسۋ ۇلكەن قۇرمەت. قازاق ۇلتتىق كيىم ۇلگىلەرى تانىستىرىلعان شوۋ وتە كەرەمەت بولدى. قازاقستان نورۆەگيادان وتە الىس, سوندىقتان مەن ميلليونداعان سكانديناۆيالىقتار ساناتىندا قازاق جەرىمەن, مادەنيەتىمەن تانىس ەمەس ەدىم. الايدا, بۇگىنگى شارانىڭ ارقاسىندا ۇلى دالا ەلىمەن دە, حالقىمەن جاقىنىراق تانىسىپ, ءتانتى بولدىم. ءتىپتى وزىمىزبەن ۇقساستىقتار تاۋىپ تاڭ قالدىم!»

سۋرەتتەرى الەمنىڭ ونداعان ەلدەرىندە جەكەلەگەن كوللەكتسيالاردا ساقتالعان, بەلگىلى سۋرەتشى, قازاقستان ەڭبەك سىڭىرگەن مادەنيەت قايراتكەرى گۇلميرا تەلعوزيەۆانىڭ سۋرەت كورمەسى دە ۇلى دالا وركەنيەتى مەن ۇلتتىق بولمىسىمىزدى ۆيكينگتەر ەلىنە تانىتۋدىڭ زاڭدى جالعاسى ىسپەتتەس بولدى.     

«نورۆەگياداعى قازاقستاننىڭ ۇلتتىق كۇنى» قازاقستان تاۋەلسىزدىگىنىڭ 27-جىلدىعىنا ارنالعان ديپلوماتيالىق قابىلداۋمەن اياقتالدى. جيىن بارىسىندا نورۆەگيا كورولدىگىندەگى قازاقستاننىڭ ۋاقىتشا سەنىمدى وكىلى ءىلياس وماروۆ ەكى جاقتى بايلانىستى دامىتۋ باعىتىندا ۇستىمىزدەگى جىلى اتقارىلعان جۇمىستار جايلى  ايتىپ بەردى. ديپلومات قازاقستان نورۆەگيا ەلىمەن جان جاقتى كەڭىنەن سەرىكتەستىك ورناتۋعا نيەتتى ەكەنىن, «سوندىقتان قازاقستاندىقتار فوردتار ەلى تۋرالى, ال نورۆەگيالىقتاردىڭ ۇلى دالا ەلى جايلى تانىمى بارىنشا وسەتىنى ءسوزسىز» دەدى.