الماتى وبلىسىنىڭ اۋىل شارۋاشىلىق قىزمەتكەرلەرى كاسىبي مەرەكەلەرىن اتاپ ءوتتى.
جەتىسۋدىڭ اگرارشىلارى جىلدى تولايىم تابىسپەن قورتىندىلاپ وتىر. وتكەن 10 ايدىڭ ىشىندە وبلىستا 591 ملرد تەڭگەنىڭ ءونىمى وندىرىلگەن. ازىق-ت ۇلىك وندىرىسىندە 423 ملرد. تەڭگەنىڭ ءونىمى شىعارىلعان. ونىڭ 57 ملن. اقش دوللارى بولاتىن ءونىمى ەكسپورتقا جىبەرىلدى, بۇل وتكەن جىلدىڭ وسى مەرزىمىمەن سالىستىرعاندا 1,8 ەسەگە كوپ. ال بيىل القاپتاردان 440 مىڭ توننا قىزىلشاسى جينالىپ, ءار گەكتارىنان ورتاشا 400 تسەنتنەر ءونىم الىندى.
«مەملەكەت باسشىسىنىڭ تاپسىرماسىن جۇزەگاسىرۋ ماقساتىندا ءبىز وبلىستىڭ اۋىلشارۋاشلىعىنا قاجەتتى قارجىلاي, تەحنيكالىق قولداۋدى ۇنەمى جۇزەگە اسىرىپ كەلەمىز. سوڭعى ءۇش جىلدىڭ وزىندە وزىق تەحنولوگيالار ساتىپ الۋعا جەرگىلىكتى بيۋدجەتتەن 5,6 ملرد. تەڭگە ءبولىنىپ, 529 بىرلىك تەحنيكا ساتىپ الىندى. قازىر وبلىستا 39 سەرۆيستىك دايىنداۋ ورتالىعى جۇمىس ىستەۋدە. ولاردا 942 بىرلىك اۋىل شارۋاشىلىعى تەحنيكاسى قىزمەت كورسەتەدى. كەلەسى جىلى تاعى 5 سەرۆيستىك دايىنداۋ ورتالىعىن اشۋدى جوسپارلاپ وتىرمىز», دەدى جيىنداعى سوزىندە وبلىس اكىمى ا. باتالوۆ.
سالتاناتتى شارادا ەڭبەككەرلەردى وبلىس اكىمى اماندىق باتالوۆ قۇتتىقتاپ, سىياقى مەن سىيلىقتار تاپسىردى. ال «ۇزدىك اۋىل شارۋاشىلىعى ونىمدەرىن ءوندىرۋشى مەن وڭدەۋشى» نوميناتسياسىنىڭ جەڭىمپازى رەتىندە بالقاش اۋدانىنداعى «جاقسىلىق» شارۋا قوجالىعى تانىلىپ, قوجالىق باسشىسى, ەڭبەك ەرى جاقسىلىق ۇشكەمپىروۆكە سۋ جاڭا «متز-82» تراكتورىنىڭ كىلتى تابىستالدى.
قالماحانبەت مۇقامەتقالي,
«ەگەمەن قازاقستان»
الماتى وبلىسى