استانادا وسپەن اۋىلىنىڭ ازاماتتارى باس قوستى

جىل سايىن باس قوسۋدى داستۇرگە اينالدىرعان وسپەندىكتەر وتكەن جىلى وسپەن اۋىلىنىڭ 170 جىلدىعىن اتاپ ءوتتى. ايتۋلى مەرەكەدە استانالىقتار قالىس قالماي, تۋعان اۋىلىنا بارىپ, قۇنى 5 ملن تەڭگە تۇراتىن ستاديون سالىپ بەرگەن.

وسپەن اۋىلىنداعى ساكەن ورتا مەكتەبىندە 50 جىل قىزمەت ىستەگەن, بالالاردى سپورتقا باۋلىعان ۇستاز قايروللا ابيلوۆتىڭ ايتۋىنشا, اۋىلدىڭ اتىن اسقاقتاتقان سپورتشىلار ەكەن.

ء«بىزدىڭ اۋىلدىڭ اتىن سپورتشىلارىمىز شىعارعان. 16 سپورت شەبەرى جانە 30-دان اسا سپورت شەبەرىنە ۇمىتكەر بار. مىسالى, جاپپار امانگەلدى ەركىن كۇرەستەن الەم چەمپيونى بولسا, ارمان ابيلوۆ سپورتتىڭ سامبو تۇرىنەن الەمدىك باسەكەدە توپ جارعان», دەيدى.

بۇگىنگى فۋتبولدان وتكەن جولداستىق كەزدەسۋدە وسپەن اۋىلىنىڭ تۇرعىندارى جانە استانا قالاسىنداعى جەرلەستەرى قارسىلاس بولىپ, جولداستىق كەزدەسۋ 2-2 ەسەبىمەن اياقتالدى. جيىن سوڭىندا قوناقتار قازاقستان رەسپۋبليكاسى قارۋلى كۇشتەرىنىڭ ۇلتتىق اسكەري-پاتريوتتىق ورتالىعىنا باردى.