بۇل كۇندەرى كانادانىڭ ۆانكۋۆەر قالاسىندا مانەرلەپ سىرعاناۋدان گران-پري دوداسى وتۋدە. بۇل جارىستا قازاقستاننىڭ دا سپورتشىلارى باق سىناۋدا.
ايەلدەر اراسىنداعى قىسقا باعدارلاما 16 جاستاعى جاپونيانىڭ جاس جۇلدىزى ريكا كيحيرانىڭ الەمدىك رەكوردىمەن اياقتالدى. ونىڭ كورسەتكىشى – 82,51 ۇپاي. رەسەيدىڭ داڭقتى قوس سپورتشىسىنا – وليمپيا ويىندارىنىڭ جەڭىمپازى, ەۋروپا چەمپيونى الينا زاگيتوۆا (77,93 ۇپاي) مەن الەم جانە قۇرلىق چەمپيونى ەليزاۆەتا توقتامىشەۆا (70,65) ەكىنشى جانە ءۇشىنشى ورىنداردى قاناعات تۇتتى.
ەرلەردىڭ قىسقا باعدارلاماسىندا كوماندالىق سايىستاعى وليمپيا ويىندارىنىڭ قولا جۇلدەگەرى, الەم چەمپيونى, امەريكالىق ناتان چەن (92,99 ۇپاي) توپ جارسا, ودان كەيىنگى ەكى ساتىعا وليمپيادا جانە الەم چەمپيوناتتارىنىڭ ەكى دۇركىن كۇمىس جۇلدەگەرى جاپونيالىق سوما ۋنو (91,67 ۇپاي) مەن چەحيالىق ميحال برجەزينا (89,21 ۇپاي) جايعاستى. قازاقستاندىق نيكيتا مينكو 16 ساتىعا تابان تىرەدى.
وسى جارىستىڭ جۇپتىق سايىسىندا ونەر كورسەتكەن جەرلەستەرىمىز – جانسايا ءادىحانوۆا مەن ءابىش بايتقانوۆ 9 ورىن السا, جاسوسپىرىمدەر باسەكەسىندە راحات برالين مەن الانا توقتاروۆا قولا مەدالدى مويىندارىنا ءىلدى.
عالىم سۇلەيمەن,
«ەگەمەن قازاقستان»