الماتىداعى وتكەن قازاقستانداعى جيتس پەن تۋبەركۋلەزگە بايلانىستى ءباسپاسوز ءماسليحاتىندا ايتۆ جۇقتىرعان جانە تۋبەركۋلەزبەن اۋىراتىن جانداردى تىعىرىققا تىرەپ وتىرعان جايتتەر تالقىلاندى.
ءباسپاسوز ماجىلىسىنە جيتس-ءتى الدىن الۋ جانە ونىمەن كۇرەسۋ جونىندەگى رەسپۋبليكالىق ورتالىعىنىڭ, ۇلتتىق فيزيوپۋلمونولوگيا ورتالىعىنىڭ ماماندارى قاتىسىپ, بۇل دەرتتەردىڭ تارالاۋى مەن جانە ول قانداي جاعدايدا ەلدەگى بيزنەسكە كەرى اسەر ەتپەيتىندىگى جايلى ساۋالدارعا جاۋاپ بەردى.
ءىس-شاراعا ايتۆ دياگنوزى انىقتالعان, تۋبەركۋلەزگە شالدىققان شاعىن جانە ورتا, ءىرى بيزنەس وكىلدەرى دە قاتىسىپ, مۇنداي ناۋقاسقا ۇشىراعان جاعدايدا قازاقستاندا بيزنەس جۇرگىزۋدە قانداي ماسەلەلەر تۋىندايتىندىعى جايلى اڭگىمەلەدى.
وكىنىشكە وراي, ءباسپاسوز ماجىلىسىنە قاتىسۋشىلار ايتۆ جانە تۋبەركۋلەزگە بايلانىستى قوعامدا وزەكتى الەۋمەتتىك ماسەلەلەر بار ەكەندىگىن اتاپ ءوتتى. بۇل ماسەلەلەردىڭ كوپشىلىگى ۆيرۋس جايلى دۇرىس اقپاراتتىڭ جەتىسپەۋشىلىگىنەن تۋىندايدى ەكەن. ەڭبەك ۇجىمىندا ايتۆ-عا, جيتس-كە جانە تۋبەركۋلەزگە شالدىققان ازاماتتاردى كەمسىتۋگە جول بەرمەۋ قازىرگى زامانعى قوعامدا اسا ماڭىزدى رولگە يە بولىپ وتىر.
ازاماتتاردى كەمسىتۋ ۆيرۋس جۇقتىرعان جانداردىڭ ونسىز دا قيىن جاعدايىن كۇردەلەندىرىپ جىبەرەدى. وسىنىڭ ناتيجەسىندە ءبىلىم الۋ, جۇمىسقا تۇرۋ, قانداي دا ءبىر تابىس كوزىن ىزدەۋ كەزىندە ولاردىڭ الدىندا كەدەرگىلەر پايدا بولاتىندىقتان, ولار قوعامنىڭ ومىرىنە تولىققاندى تۇردە ات سالىسۋ مۇمكىندىگىنەن ايىرىلادى.
وسى ورايدا, سوڭعى جىلدارى وزگە ەلدەردەگى مەملەكەتتىك جانە ۇكىمەتتىك ەمەس ۇيىمداردىڭ كوپشىلىگى قوعامدى ايتۆ/جيتس جايلى كەڭىنەن اقپاراتتاندىرۋ باعىتىندا قادام جاساپ جاتىر.
سوندىقتان قر دەنساۋلىق ساقتاۋ مينيسترلىگى مەملەكەتتىك الەۋمەتتىك تاپسىرىس اياسىندا بۇل ماسەلەدە كوپشىلىكتىڭ حاباردارلىعىن كوتەرۋگە ارنالعان, سونىڭ ىشىندە كەمسىتۋشىلىكتى ازايتۋ, ىندەت كورسەتكىشىن تومەندەتۋ جانە قازاقستانداعى بيزنەسكە ايتۆ مەن تۋبەركۋلەزدىڭ اسەرىن, ياعني جاھاندىق باسەكە قابىلەتتىلىك يندەكسىن كوتەرۋ ماقساتىندا بيزنەس-قۇرىلىمدارعا ايتۆ مەن تۋبەركۋلەزدى الدىن الۋ جانە ەمدەۋگە قاتىستى ءىس-شارالار لەگىن جۇرگىزۋگە كۇش سالىپ وتىر.
ايناش ەسالي,
«ەگەمەن قازاقستان»
الماتى