7-9 جەلتوقسان ارالىعىندا الماتىدا برازيليالىق دجيۋ-دجيتسۋ مەن گرەپپلينگتەن Arlan Grip Selection جانە ازيا مەن مۇحيت جاعالاۋى ەلدەرىنىڭ چەمپيوناتى وتەدى.
برازيليالىق دجيۋ-دجيتسۋدان جىلدا وتەتىن Arlan Grip Selection ءتۋرنيرى اياسىندا ەرتەڭ 18 جاستان اسقان ەرەسەكتەر National Pro Team بويىنشا سايىسقا تۇسەدى. 8-9جەلتوقسان ارالىعىندا وسى جارىس اياسىندا جاسى 18-دەن اسقان ەرەسەكتەر مەن ايەلدەر اراسىندا گرەپپلينگتەن 2019 جىلى اقش-تا وتەتىن الەم چەمپوناتىنا جولداما ءۇشىن تارتىس ۇيىمداستىرىلادى. قاتىسۋشىلار AIGA (اۋەسقويلار) مەن ADCC (تاجىريبەلىلەر) نۇسقالارى بويىنشا مىقتىلاردى انىقتايدى.
ازيا مەن مۇحيت جاعالاۋى ەلدەرىنىڭ چەمپيوناتى الماتىدا وسىمەن ەكىنشى رەت وتكەلى وتىر. العاشقى رەت ول 2016 جىلى ۇيىمداستىرىلدى. بيىلعى جارىسقا اۆستراليا, مالايزيا, جاپونيا, وڭتۇستىك كورەيا جانە قىتايدان مىقتى سپورتشىلار كەلەدى.
جالپى گرەپپلينگتەن الەم چەمپيوناتىنىڭ جالاۋى ەكى جىلدا ءبىر مارتە جەلبىرەۋدە. ال 2021 جىلعى دۇنيەجۇزىلىك دودادا تەك قانا قازاقستاندا ەمەس, بۇكىل تمد ەلدەرىندە تۇڭعىش رەت ۇيىمداستىرىلعالى وتىر.
بيىلعى ازيا مەن مۇحيت جاعالاۋى ەلدەرى چەمپيوناتىنىڭ جۇلدە قورى 20 مىڭ اقش دوللارىن قۇرايدى. بارلىق تۋرنيرلەر ABB Arena سپورت كەشەنىندە وتەدى. اقشالاي سىيلىقتاردان بولەك جەڭىمپازدار مەن جۇلدەگەرلەر ارنايى Arlan Grip مەدالىنە يە بولادى. جارىس كۇن سايىن ساعات 10:00-دە باستالادى.
عالىم سۇلەيمەن,
«ەگەمەن قازاقستان»
الماتى