«سويۋز مس-11» باسقارىلاتىن كەمەسى بار «سويۋز-فگ» زىمىران تاسىعىشى مونتاجداۋ-سىناق كورپۋسىنان شىعارىلىپ, بايقوڭىر عارىش ايلاعىنىڭ №1 «گاگارين ستارتى» ۇشۋ الاڭىنا ورناتىلدى. بۇل تۋرالى قازاقپارات ءتىلشىسى حابارلايدى.
«سويۋز مس-11» باسقارىلاتىن عارىش كەمەسىن الىپ ۇشاتىن «سويۋز-فگ» زىمىران تاسىعىشى 2018 جىلعى 3 جەلتوقساندا, استانا ۋاقىتىمەن 17:31-دە ۇشىرىلادى. ستارتتان بىرنەشە ساعات بۇرىن باستالاتىن تىكەلەي ەفيردەن ەكيپاجدىڭ دايىندىعىن جانە عارىش كەمەسىنىڭ ۇشىرىلۋ ءساتىن كورۋگە بولادى.
حعس-58/59 ەكسپەديتسياسى نەگىزگى ەكيپاجىنىڭ قۇرامىندا عارىشكەرلەر - ولەگ كونونەنكو, داۆيد سەن-جاك جانە ەنن ماككلەين بار. ولاردىڭ دۋبليورلارى - الەكساندر سكۆورتسوۆ, لۋكا پارميتانو جانە ەندريۋ مورگان.
بۇگىن, 2 جەلتوقسان كۇنى بايقوڭىردا مەملەكەتتىك كوميسسيانىڭ وتىرىسى بولىپ, وندا ەكيپاجدىڭ قۇرامى بەكىتىلەدى, كەيىن عارىشكەرلەر ۇشۋ الدىنداعى ءباسپاسوز ءماسليحاتىندا جۋرناليستەردىڭ سۇراقتارىنا جاۋاپ بەرەدى. ءباسپاسوز ءماسليحاتىن روسكوسموس سايتىنان جانە «ۆكونتاكتە» جەلىسىنەن تىكەلەي ەفيردەن كورۋگە بولادى.