قوستانايدا مەملەكەتتىك باعدارلامالار ارقىلى قۇرىلىس يندۋسترياسى جىلدام دامىپ كەلەدى.وبلىس اكىمى ارحيمەد مۇحامبەتوۆ «نۇرلى جەر» جانە «7-20-25» باعدارلامالارى بويىنشا قوستاناي قالاسىنىڭ جاڭا «اەروپورت» جانە «يۋبيلەينىي» شاعىن تۇرعىن اۋداندارىندا سالىنىپ بىتكەن ۇيلەردەن باسپانالى بولعان قوستانايلىقتارعا پاتەر كىلتىن تابىس ەتتى.
«تۇرعىن ءۇي قۇرىلىسىنا سالىناتىن ينۆەستيتسيا جىل سايىن ارتىپ كەلەدى. كەلەسى جىلى ونىڭ كولەمى 25 ميلليارد تەڭگە بولادى دەپ جوسپارلاپ وتىرمىز. بۇل باسپانالى بولاتىن ادامدار سانى كوبەيە تۇسەدى دەگەن ءسوز» دەدى ارحيمەد بەگەجان ۇلى. «اەروپورت» شاعىن تۇرعىن اۋدانىندا №26 جانە 33 ۇيلەردى « رسو ساۋلەت» قۇرىلىس كومپانياسى ساپالى سالىپ ءبىتىردى. ەكى ۇيگە 1,5 ميلليارد تەڭگە جۇمسادى.
سونىمەن قاتار «يۋبيلەينىي» شاعىن تۇرعىن اۋدانىندا «بك-ستروي» فيرماسى سالعان №39 ءۇيدىڭ تۇرعىندارى دا وبلىس اكىمى قولىنان ءپاتىرىنىڭ كىلتىن الدى. بۇل وبلىستا «7-20-25» باعدارلاماسىنا قاتىسقان العاشقى پاتەر يەلەرى بولاتىن. ءۇي 11 ايدا سالىنىپ ءبىتتى.
«7-20-25» باعدارلاماسى بويىنشا سالىنعان العاشقى ءۇيدىڭ ساپاسى وتە جوعارى. وسىدان تۋرا ءبىر جىل بۇرىن بۇل جەردە جالاڭاش دالا بولاتىن. بۇل اۋداندا ءبىر جىلدىڭ ىشىندە 47 عيمارات بويى كوتەردى. ونىڭ ىشىندە تەك تۇرعىن ۇيلەر عانا ەمەس, الەۋمەتتىك نىساندار دا بار. بۇل اۋداندا ينفراقۇرىلىم تولىق قامتاماسىز ەتىلەتىن بولادى» دەدى ارحيمەد بەگەجان ۇلى.
سونىمەن قاتار, اكىم بيىل الەۋمەتتىك از قورعالعان ادامدار ءۇشىن ولاردىڭ العاشقى جارنالارى سۋبسيديالاناتىنىن ايتتى. ارينە, ول قايتارىلاتىن قارجى بولعانمەن, ۇلكەن جەڭىلدىكتى سەزىنەدى. مەردىگەر فيرما وسى ۇيلەردىڭ بارلىعىنا جەرگىلىكتى قۇرىلىس ماتەريالدارىن پايدالاندى.
بيىل «نۇرلى جەر» باعدارلاماسى بويىنشا وبلىستا 300 مىڭ شارشى مەتر تۇرعىن ءۇي تاپسىرىلاتىن بولادى.
ءنازيرا جارىمبەت,
«ەگەمەن قازاقستان»
قوستاناي