پارلامەنت سەناتىنىڭ توراعاسى قاسىم-جومارت توقاەۆ البانيانىڭ ەۋروپا جانە سىرتقى ىستەر ءمينيسترى ديتمير ءبۋشاتيدى قابىلدادى.
سەنات توراعاسى وسى كەزدەسۋ قازاقستان مەن البانيا اراسىنداعى ىنتىماقتاستىقتى نىعايتۋعا جاڭا سەرپىن بەرەتىنىن اتاپ ءوتتى.
ق.توقاەۆتىڭ پىكىرىنشە, جاھاندىق ساياساتتا ءرولى تۇراقتى ارتىپ كەلە جاتقان پارلامەنتتىك ديپلوماتيا ءوزارا ءىس-قيمىلعا قارقىن بەرۋدىڭ پارمەندى تەتىگى بولا الادى. سەنات توراعاسى ەقىۇ پارلامەنتتىك اسسامبلەياسىنا قاتىسۋ اياسىندا قازاقستاندىق سەناتورلاردىڭ بايلانىستاردى دامىتۋعا مۇددەلى ەكەنىن اتاپ ءوتىپ, الباندىق ارىپتەستەردى قازاقستانعا ساپارمەن كەلۋگە شاقىردى.
د.بۋشاتي ءوز كەزەگىندە البانيا ءۇشىن ءبىزدىڭ ەلىمىز سەنىمدى ارىپتەس ءارى دوس ەكەنىن اتاپ ءوتتى. ء«بىز ىنتىماقتاستىق جولىنداعى باستى كەزەڭگە كەلدىك. ودان ءارى ىلگەرىلەپ, بايلانىستى دامىتۋ قاجەت», - دەدى ول.
ەۋروپا جانە سىرتقى ىستەر ءمينيسترى ق.توقاەۆتى البانيانىڭ 2020 جىلى ەقىۇ-عا توراعا بولۋعا نيەتى جانە بۇۇ قاۋىپسىزدىك كەڭەسىنە مۇشە بولۋعا ءوتىنىش بەرەتىنى تۋرالى حاباردار ەتتى. ديپلوماتتىڭ پىكىرىنشە, قازاقستاننىڭ وسى حالىقارالىق قۇرىلىمدارداعى قىزمەتىندەگى وڭ تاجىريبەسى البانيا ءۇشىن پايدالى بولادى.
جۇزدەسۋشىلەر ەكى ەل اراسىنداعى ساۋدا-ەكونوميكالىق جانە گۋمانيتارلىق ىنتىماقتاستىقتى دامىتۋ مۇمكىندىگىن تالقىلادى. د.بۋشاتي البانيا ازاماتتارى ءۇشىن ۆيزاسىز ءتارتىپتى ەنگىزۋ ماسەلەسىن كوتەردى. قازاقستاندىقتار ءۇشىن مۇنداي ءتارتىپ 2012 جىلدان بەرى قولدانىلىپ كەلەدى.