نۇرسۇلتان نازارباەۆ تاتارستان رەسپۋبليكاسىنىڭ مەملەكەتتىك كەڭەسشىسى مينتيمەر شايميەۆكە كوڭىل ايتۋ جەدەلحاتىن جولدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
مەملەكەت باسشىسى تاتارستان رەسپۋبليكاسىنىڭ مەملەكەتتىك كەڭەسشىسى مينتيمەر شايميەۆتىڭ زايىبىنىڭ قايتىس بولعانى تۋرالى حاباردى زور كۇيزەلىسپەن قابىلدادى. ء«سىزدىڭ سەنىمدى تىرەگىڭىز, ومىرلىك سەرىگىڭىز جانە بالالارىڭىزدىڭ اناسى ساكينا شاكىرقىزىنىڭ قايتىس بولعانى تۋرالى حاباردى زور كۇيزەلىسپەن قابىلدادىم. سىزگە جانە وتباسىڭىزعا ورنى تولماس قايعىعا وراي بارشا قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن. ساكينا شاكىرقىزىنىڭ جارقىن بەينەسى تاتارستاندىقتاردىڭ جۇرەگىندە ءاردايىم ساقتالاتىنىنا سەنىمدىمىن», – دەلىنگەن جەدەلحاتتا.