قوستانايدا ۇلتتىق ونەر تاۋەلسىزدىك جىلدارىنان بەرى جاڭعىرىپ, بيىك بەلەستەرگە ۇمتىلدى دەسەك, قوبىزشى باتىربەك باينازاروۆ ۇلت-اسپاپتار ءانسامبلى مەن وركەستردىڭ ىرگەتاسىن قالاسقانداردىڭ ءبىرى بولدى.
قۇرمانعازى اتىنداعى ۇلتتىق كونسەرۆاتوريانى بىتىرگەن جاس باتىربەك قوبىزىن كوتەرىپ, قوستانايعا كەلگەن بولاتىن. الدىمەن «اق جەلەڭ» ۇلت-اسپاپتار ءانسامبلىنىڭ , ودان كەيىن ۇلت-اسپاپتار وركەستىرىنىڭ قۇرامىندا ونىڭ قوبىزىنىڭ داۋىسى ءار شىعارمانى ۇلتتىق بوياۋعا قانىقتىرىپ وتىردى. قوبىزشىنىڭ قاتىسۋىمەن انسامبل مەن وركەستر كوپتەگەن رەپۋبليكالىق جانە حالىقارالىق بايقاۋلاردا باق سىناپ, بيىكتەردەن كورىنىپ ۇلگەردى.
ەردىڭ جاسى ەلۋگە تولىپ وتىرعان باتىربەك ءوزىنىڭ تىڭداۋشىلارىنىڭ الدىندا ونەر ەسەبىن بەردى.
كونتسەرتتە الدىمەن كەش يەسى باتىربەك قىل قوبىزىمەن قورقىتتىڭ «قوڭىرىنان» باستاپ, بىرنەشە شىعارما ورىندادى. سونىمەن قاتار, باتىربەكتىڭ ونەردەگى دوستارى بەلگىلى انشىلەر رەسپۋبليكالىق بايقاۋلاردىڭ لاۋرەاتى جاناتبەك كادىروۆ, قر ەڭبەك سىڭىرگەن قايراتكەرى جانات باقتاەۆا, رەسپۋبليكالىق جانە حالىقارالىق بايقاۋلاردىڭ لاۋرەاتتارى دومبىراشىلار گريگوري يۋگاي مەن ءالىمجان ابسادىقوۆ, حالىقارالىق بايقاۋلاردىڭ لاۋرەاتى, قوبىزشى جانار جەتپىسوۆا, مادەنيەت سالاسىنىڭ ۇزدىگى, ديريجەر ەرجان قيتاروۆ استانا, الماتى, تاراز, قىزىلوردا, اتىراۋ قالالارىنان كەلىپ, دوسىنىڭ كەشىنە ءان مەن كۇيدەن شاشۋ شاشتى.
كەشتە وبلىستىق مادەنيەت باسقارماسىنىڭ باسشىسى ەرلان قالماقوۆ باتىربەك باينازاروۆقا وبلىس اكىمى ارحيمەد بەگەجانوۆتىڭ قۇتتىقتاۋىن جەتكىزىپ, يىعىنا شاپان جاپتى.
ءنازيرا جارىمبەت,
«ەگەمەن قازاقستان»
قوستاناي