«مال ۇرلىعى» جەدەل-پروفيلاكتيكالىق شاراعا وبلىس وڭىرىندە 33 جەدەل توپ قاتىسىپ, جۇمىس ىستەدى.
«پوليتسەيلەر كۇن سايىن جۇك ماشينالارىن نەمەسە ەت, مال الىپ بارا جاتقان ادامداردىڭ قۇجاتتارىن تەكسەرىپ وتىردى. ماشيناسىنا مال ارتقان ەكى تۇرعىننىڭ قۇجاتتارى تۇگەل بولعان جوق, ولاردى پوليتسەيلەر اكىمشىلىك جاۋاپكەرشىلىككە تارتتى», دەيدى وبلىستىق پوليتسيا دەپارتامەنتىنىڭ قىلمىستىق پوليتسيا باسقارماسى باستىعىنىڭ مىندەتىن اتقارۋشى ەربول تايبەكوۆ.
مال ۇرلىعىمەن اينالىسۋشىلار ءۇشىن «مىناۋ قۇدايى كورشىم, مىناۋ اعايىنىم ەكەن» دەگەن ادامگەرشىلىك سەزىم بولمايدى. دەنيسوۆ اۋدانىنىڭ كراسنوارمەيسكوە سەلوسىنىڭ تۇرعىنى ون قويدى ءوزىنىڭ قاتار وتىرعان تۋىسىنىڭ قوراسىنان ۇرلاپ العان. قاراسۋ اۋدانىنداعى جەلەزنودوروجنوە سەلوسىنىڭ تۇرعىنى كورشىسىنىڭ اسىل تۇقىمدى بۇزاۋىنىڭ قورادان شىعىپ كەتكەنىن پايدالانا قويعان.
– بۇل بۇزاۋعا ەن-تاڭبا سالىنباعان. ۇرلانعان مالدى تابۋدا وسى تاڭبالانباعانى, ەن سالىنباعانى قيىندىق كەلتىرەدى. تۇرعىنداردىڭ قانشا اۋزى كۇيسە دە, مالعا ەن سالۋعا ەنجارلىعىن قويمايدى. سونىمەن قاتار, كوپشىلىك كىسىلەر مالدى ورىسكە بوس جىبەرەدى. ۇرىلار يەسىز جايىلىپ جۇرگەن مالدى اڭديدى. مالى جوعالعاندار پوليتسياعا دەر ۋاقىتىندا حابارلامايدى. بۇل دا ۇرلىقتىڭ اشىلۋىن قيىنداتا تۇسەدى, – دەيدى ەربول تايبەكوۆ.
قازان ايىنىڭ سوڭىندا تاران اۋدانىندا ورىستە جۇرگەن 11 جىلقى قولدى بولدى. قازىر بۇل جونىندە پوليتسەيلەر جان-جاقتى جۇمىس جۇرگىزىپ جاتىر.
ءنازيرا جارىمبەت,
«ەگەمەن قازاقستان»
قوستاناي