«قازاقمىس» كورپوراتسياسى جەزقازعان جانە ساتباەۆ قالالارىنىڭ ورتا تۇسىنا ءىرى سۋپەرماركەت سالماقشى. جوبا قۇنى – 2 ميلليارد تەڭگە. مۇندا باعاسى تومەن تاۋارلار ساتىلاتىن بولادى. بۇل تۋرالى «قازاقمىس» كورپوراتسياسى» جشس باسقارما كەڭەسىنىڭ باس ديرەكتورى باقتيار قرىقپىشەۆ مالىمدەدى.
– ايماقتىڭ ىشكى ازىق-ت ۇلىك نارىعىن زەرتتەگەن سوڭ, ءبىز قاراجاتىمىزدى جۇمىسكەرلەرىمىزدىڭ باسىم بولىگى مەكەندەيتىن ەكى قالا – جەزقازعان مەن ساتباەۆتىڭ ورتاسىنان « ۇلى دالا» اتتى جاڭا ءىرى سۋپەرماركەت سالۋعا جۇمساۋدى ۇيعاردىق. تالداۋ كورسەتكەندەي, قازىرگى تاڭدا ازىق-ت ۇلىك تاۋارلارىنىڭ باعاسى ەڭبەكاقى كولەمىنىڭ ۇلعايۋىنان اسىپ بارا جاتقانى بايقالادى, سوندىقتان ءبىزدىڭ سۋپەرماركەتتە الەۋمەتتىك ماڭىزى بار تاۋارلاردىڭ قۇنى تومەن بولادى, – دەدى ول.
ءىرى ساۋدا نىسانى بيىلعى جىلدىڭ جەلتوقسان ايىندا اشىلادى دەپ جوسپارلانعان.
قايرات ءابىلدا,
«ەگەمەن قازاقستان»
قاراعاندى وبلىسى