الماتىداعى ۇلتتىق كىتاپحانادا اقىن, كوپتەگەن تانىمال اندەردىڭ اۆتورى, قازاقستان جازۋشىلار وداعىنىڭ مۇشەسى نۇتفوللا شاكەنوۆتىڭ تۋعانىنا 90 جىل تولۋىنا وراي ەسكە الۋ كەشى ءوتتى.
1928 جىلى پاۆلودار وڭىرىندەگى ومىرگە كەلگەن نۇتفوللا شاكەنوۆ 1943 جىلى قازاق مەملەكەتتىك ۋنيۆەرسيتەتىنىڭ دايىندىق كۋرسىن, سودان كەيىن ءتىل ادەبيەتى فاكۋلتەتىندە وقي ءجۇرىپ «سوتسياليستىك قازاقستان» گازەتىندە ادەبي قىزمەتكەر بولىپ, ودان كەيىنگى جىلداردا «پيونەر» جۋرنالىندا ءبولىم مەڭگەرۋشىسى بولىپ جۇمىس ىستەگەن. 1948 - 1949 جىلدارى قىزىلوردا پەداگوگيكالىق ينستيتۋتىندا اعا وقىتۋشى, 1949 - 1953 جىلدار ارالىعىندا قازاق راديوسى, ادەبي-دراما حابارلارى ءبولىمىنىڭ باس رەداكتورى, ال 1953 - 1955 جىلدارى «قازاقستان پيونەرى» گازەتىنىڭ جاۋاپتى حاتشىسى قىزمەتتەرىن اتقارعان.
نۇتفوللا شاكەنوۆتىڭ ولەندەرى 1944 جىلدان باستاپ رەسپۋبليكالىق جانە رەسەيلىك باسىلىمداردا جاريالانا باستادى. اقىننىڭ ء«بىزدىڭ جىر» العاشقى ولەڭدەر جيناعى 1949 جىلى جارىق كورىپ, وعان ەڭبەك ادامدارىنىڭ ەرلىك ىستەرى جايىنداعى ليريكالىق ولەڭدەر ەندى.
ءىس-شاراعا قاتىسقان اقىن, ساتيريك مىڭباي ءراش, ادەبيەتتانۋشى-عالىم تەمىرحان تەبەگەن, جازۋشىنىڭ جۇبايى نۇرعيزا شاكەنوۆا, اقىن باقىت بەدەلحان قاتىسىپ, ءوز ەستەلىكتەرىمەن ءبولىستى. «تۇران» ۋنيۆەرسيتەتىنىڭ جۋرناليستيكا فاكۋلتەتىنىڭ ستۋدەنتتەرى نۇتفوللا شاكەنوۆتىڭ ولەڭدەرىن وقىدى.
ەسكە الۋ كەشى اياسىندا نۇتفوللا شاكەنوۆتىڭ شىعارماشىلىعىنا ارنالعان كىتاپ كورمەسى ۇيىمداستىرىلدى.
ەلۆيرا سەرىكقىزى,
«ەگەمەن قازاقستان»
الماتى