بۇگىن الماتىدا قازاقستان مەن مالايزيانىڭ 150-دەن استام رەسمي تۇلعاسى مەن بيزنەس وكىلدەرى توعىستى. بيزنەس-فورۋمدى وتكىزۋگە «قازاقستان - مالايزيا ىسكەرلىك كەڭەسى» مۇرىندىق بولدى. بۇل – قازاقستان مەن مالايزيا كومپانيالارىنا بيزنەستى تولىققاندى تۇردە ارى قاراي دامىتۋ ءۇشىن قاجەتتى قۇرالداردىڭ بارلىعىن ۇسىنا الاتىن ۇيىم.
قر ۇلتتىق بانكىنىڭ مالىمەتتەرى بويىنشا, قازاقستان ەكونوميكاسىنا مالايزيالىق تىكەلەي ينۆەستيتسيالاردىڭ 2016-2017 جىلدار ىشىندەگى جانە 2018 جىلدىڭ ءبىرىنشى توقسانىنداعى ۇلەسى 16,6 ملن اقش دوللارىن قۇرايدى. نەگىزگى ينۆەستيتسيا مۇناي-گاز, قۇرىلىس جانە ينفراقۇرىلىمعا باعىتتالىپ وتىر.
ەكى ەل اراسىنداعى تاۋار اينالىمىنىڭ قارقىنى جاعىنان 2017 جىلدىڭ وسى كەزەڭىمەن سالىستىرعاندا, ءوزارا ساۋدا 48%-عا (38,9 ملن. اقش دوللارى) وسكەنى بايقالىپ وتىر. 2018 جىلدىڭ قاڭتار - ءساۋىر ايلارىنداعى قازاقستاندىق ءونىم ەكسپورتى 251 مىڭ اقش دوللارىن, ال يمپورت 38,6 ملن اقش دوللارىن قۇرادى.
فورۋم جۇمىسىنا ەكونوميكانىڭ ءتۇرلى سەكتورلارىندا (مۇناي-گاز سالاسى, مەتاللۋرگيا ونەركاسىبى, جەڭىل ونەركاسىپ جانە ت.ب.) قىزمەت ەتەتىن مالايزيانىڭ 40-تان اسا كومپانياسى, سونداي-اق, ءتۇرلى ەكونوميكا سەكتورلارىندا قىزمەت ەتەتىن كوممەرتسيالىق جانە مەملەكەتتىك 60-تان اسا قازاقستاندىق كومپانيا قاتىسۋدا.
فورۋم اياسىندا قازاقستان-مالايزيا ىسكەرلىك كەڭەسى مەن «اتامەكەن» ۇكپ, قازاقستان - مالايزيا ىسكەرلىك كەڭەسى مەن «قازاقينۆەست», قازاقستان - مالايزيا ىسكەرلىك كەڭەسى مەن «قازاقەكسپورت» اراسىندا ءوزارا تۇسىنىستىك جانە ىنتىماقتاستىق تۋرالى بىرقاتار مەموراندۋمدارعا قول قويىلدى.
فورۋم ساۋدا جانە ينۆەستيتسيا سالاسىنداعى ءوزارا ارەكەتتەستىك سىندى كەڭ تاقىرىپتاردى قوزعايتىن پلەنارلىق سەسسيا جانە اشىق پانەلدىك پىكىرتالاس, ۆ2ۆ كەزدەسۋلەرى فورماتىندا ءوتىپ جاتىر. ءىس-شارانىڭ باستى سپيكەرلەرى – مالايزياداعى قازاقستان ەلشىسى دانيار سارەكەنوۆ, قازاقستانداعى مالايزيا ەلشىسى سايد موحاماد باكري بين سايد ابدۋل راحمان, «Resmi» كومپانيالار توبى ديرەكتورلار كەڭەسىنىڭ توراعاسى قايرات ماجىباەۆ, مالايزيا-قازاقستان ىسكەرلىك كەڭەسىنىڭ ورتاق توراعاسى داتۋك لۋ تۋك دجي (Datuk Loo Took Gee) سىندى تۇلعالار.
ايناش ەسالي,
«ەگەمەن قازاقستان».
الماتى