استانادا اقپارات جانە كوممۋنيكاتسيالار مينيسترلىگىنىڭ جانە ەلىمىزدەگى فرانتسيا ەلشىلىگىنىڭ تىزە قوسۋىمەن, TOTAL كومپانياسىنىڭ قولداۋىمەن «تسيفرلى ەكونوميكا» اتتى فرانتسيا-قازاقستان فورۋمى ءوتتى.
ونەركاسىپتى تسيفرلاندىرۋعا ارنالعان فورۋمعا اقپارات جانە كوممۋنيكاتسيالار ءمينيسترى داۋرەن اباەۆ, قازاقستانداعى فرانتسيانىڭ توتەنشە جانە وكىلەتتى ەلشىسى فيليپپ مارتينە, TOTAL كومپانياسىنىڭ قازاقستانداعى باسقارۋشى ديرەكتورى پاسكال برەان قاتىستى. سونداي-اق فرانتسۋز كاسىپكەرلەرى مەن ساراپشىلار, ەلىمىزدەگى مەملەكەتتىك ورگاندار مەن كوممەرتسيالىق ۇيىم وكىلدەرى جينالدى.
جيىندى اشقان فيليپپ مارتينە تسيفرلاندىرۋ جوبالارى بويىنشا فرانتسيالىق كاسىپورىندارى قازاقستاندا جۇمىس ىستەۋگە دايىن ەكەنىن ايتتى. «بۇل فورۋم - استاناداعى «تسيفرلى كۇزدىڭ» ماڭىزدى شاراسى. جيىن سوڭعى يننوۆاتسيالاردى ەسكەرە وتىرىپ, باسقارۋ, يندۋستريالاندىرۋ, ءبىلىم بەرۋ, دەنساۋلىق ساقتاۋ جانە قارجى تاقىرىپتارىن تالقىلاۋعا مۇمكىندىك بەرەدى», - دەدى ول.
«فرانتسيادا 2022 جىلعا دەيىن بارلىق اكىمشىلىك قۇجاتتاردى تولىقتاي تسيفرلاندىرۋ كوزدەلىپ وتىر. ياعني فرانتسيا مەن قازاقستاننىڭ ماقسات-مۇددەلەرى ءبىر. سوندىقتان تسيفرلى تەحنولوگيانىڭ ءتۇرلى ماسەلەلەرى تالقىلاناتىن بۇگىنگى فورۋم ەكى ەل ءۇشىن دە وتە ماڭىزدى», دەدى ف.مارتينە.
فورۋمدا ەلىمىزدىڭ اقپارات جانە كوممۋنيكاتسيالار ءمينيسترى داۋرەن اباەۆ فرانتسيانىڭ جاڭا تەحنولوگيالار بويىنشا ەۋروپاداعى كوشباسشى مەملەكەت ەكەنىن اتاپ ءوتتى.
«قازاقستان مەن فرانتسيا 26 جىل ىشىندە تىعىز جانە ستراتەگيالىق ءوزارا قارىم-قاتىناس ورناتتى. جاقىندا عانا ەكى ەلدىڭ مەملەكەت باسشىلارى ن.نازارباەۆ پەن ە.ماكروننىڭ كەزدەسۋى ءوتتى. بۇل دا ەكىجاقتى قارىم-قاتىناستىڭ دامۋىنا ەرەكشە سەرپىن بەرەدى. اسىرەسە, جاڭا تەحنولوگيالار, IT-جوبالار سالاسىندا ەكونوميكالىق قارىم-قاتىناستاردى دامىتۋعا بولادى. سەبەبى فرانتسيا – جاڭا تەحنولوگيالار بويىنشا ەۋروپاداعى كوشباسشى ەل», - دەدى ول.
مينيستر ءوز سوزىندە وسى سالاداعى فرانتسيامەن ىنتىماقتاستىق ورناتۋدىڭ قازاقستان ءۇشىن تيىمدىلىگىنە توقتالدى. سونداي-اق «تسيفرلى قازاقستان» باعدارلاماسىنىڭ ماقساتى جايلى اتاپ ءوتتى. «وتكەن جىلدىڭ سوڭىندا ەلباسى نۇرسۇلتان نازارباەۆ اۋقىمدى «تسيفرلى قازاقستان» باعدارلاماسىنا قول قويدى. بۇل باعدارلاما يننوۆاتسيالىق جانە IT-جوبالاردى ناسيحاتتاۋدىڭ ىرگەتاسى بولماق. مينيسترلىك ەڭ الدىمەن ينفراقۇرىلىم ءۇشىن جاۋاپ بەرەدى, سوندىقتان سىزدەرمەن بىرلەسىپ جۇمىس ىستەۋگە ءازىرمىز», دەدى داۋرەن اباەۆ.
فورۋمدا «IDEMIA» كومپانياسىنىڭ ۆيتسە-پرەزيدەنتى يزابەل لوزون «ە-ەستونيا, ەلەكتروندىق ۇكىمەت ءىس جۇزىندە» اتتى كىتاپقا قىسقاشا شولۋ جاساپ, تسيفرلى تەحنولوگيالاردىڭ ءتيىمدى تۇستارىمەن ءبولىستى. ونىڭ اياسىندا ENA مەملەكەتتىك باسقارۋ ۇلتتىق مەكتەبىنىڭ يننوۆاتسيا بويىنشا وكىلى فرانسۋا ۆاينتروپ فرانتسيادا تسيفرلى تەحنولوگيالاردى ەنگىزۋ بارىسىندا كەزدەسكەن قيىندىقتارىمەن ءبولىستى.
اقپارات جانە كوممۋنيكاتسيالار ۆيتسە-ءمينيسترى دارىن تۇياقوۆ قازاقستاندا جۇزەگە اسىرىلىپ جاتقان «تسيفرلى قازاقستان» باعدارلاماسىنىڭ قالاي جۇزەگە اسىرىلىپ جاتقانىنا توقتالدى.
«تسيفرلى قازاقستان» باعدارلاماسىن جاساقتاۋ بارىسىندا ەكونوميكا سالالارىن تسيفرلاندىرۋ, تسيفرلى مەملەكەت, Digital silk way, ادامي كاپيتالدى دامىتۋ مەن يننوۆاتسيالىق ەكوجۇيەنى قۇرۋ سىندى نەگىزگى بەس باعىتقا باسىمدىق بەرىلگەن. 2025 جىلعا دەيىن «تسيفرلى قازاقستان» باعدارلاماسىنان كۇتىپ وتىرعان ەكونوميكالىق تيىمدىلىك 1,7 -2,1 ترلن تەڭگە ارالىعىندا بولۋعا ءتيىس. ەڭبەك ونىمدىلىگى تاۋ-كەن ءوندىرىسى سالاسىندا - 38,9 %, قايتا وڭدەۋ سالاسىندا - 49,8% ارتادى دەپ كۇتىلۋدە», دەدى ول.
فورۋم تسيفرلى تەحنولوگيالاردىڭ مەملەكەتتىك قىزمەتتەگى مۇمكىندىكتەرى, يندۋستريا 4.0, ءبىلىم بەرۋ مەن دەنساۋلىق سالاسىنداعى باعىتتارى مەن مۇمكىندىكتەرى تۋرالى پانەلدىك سەسسيالارعا ۇلاستى.
ءمادينا جالەلقىزى,
«ەگەمەن قازاقستان»