قاراعاندى وبلىسىنىڭ اباي اۋدانىندا 12 ادام ۋلانىپ قالعان

2018 جىلى قازاننىڭ 22-نەن 24-نە دەيىنگى ارالىقتا اباي قالاسىندا 12 ادام مەديتسينالىق كومەككە جۇگىندى, ونىڭ ىشىندە 8-ءى اۋرۋحاناعا جاتقىزىلعان, زارداپ شەككەندەر قاتارىندا ءبىر بالا بار.

قاراعاندى وبلىسى قوعامدىق دەنساۋلىق ساقتاۋ دەپارتامەنتىنىڭ اقپاراتىنشا, زارداپ شەككەندەرگە «وتكىر ىشەك-قۇرىلىسى ينفەكتسياسى» دياگنوزى قويىلدى. مەديتسينالىق كومەككە جۇگىنگەن قالا تۇرعىندارىنىڭ بارلىعى اۋىرار الدىندا جەرگىلىكتى دونەرحانادا تاماقتانعان.

ىشەك-قۇرىلىسى ينفەكتسياسىنىڭ ءارى قاراي تارالىپ كەتپەۋى ماقساتىندا جانە جاعدايدى تۇراقتاندىرۋ ءۇشىن دونەرحانادا جوسپاردان تىس تەكسەرىس جۇرگىزىلىپ, ازىق-ت ۇلىك ونىمدەرىنەن, قورشاعان ورتادان جانە سۋدان سىنامالار الىنىپ, زەرتحاناعا جىبەرىلدى. سونىمەن قاتار ءدامحانانىڭ قىزمەتكەرى دە پاتوگەندى ميكروورتا تاسىمالداۋشىسى بولۋى مۇمكىندىگى تەكسەرىلدى. ناتيجەسىندە سانيتارلىق-ەپيدەمياعا قارسى شارالار وتكىزۋ جانە دونەرحانا قىزمەتكەرىن ۋاقىتشا جۇمىسىنان الشاقتاتۋ تۋرالى قاۋلى شىعارىلدى. سونداي-اق, قارىم-قاتىناستا بولعان تۇلعالار انىقتالدى. قازىرگى تاڭدا ولاردى جەرگىلىكتى ەمحانالارداعى ۋچاسكەلىك دارىگەرلەر باقىلاۋدا.

سانيتارلىق قىزمەت ماماندارى اباي اۋدانىنىڭ اكىمدىگىنە, پروكۋراتۋراعا, تج باسقارماسىنا, ءىىب-گە تۇرعىندار اراسىندا جاپپاي دەرتكە شالدىعۋ دەرەگىن تىركەۋ جونىندە اقپاراتتىق حاتتار جولدادى. ەپيدەمياعا قارسى شارالار جالعاسۋدا. اتالمىش ماسەلە قاراعاندى وبلىسىنىڭ قوعامدىق دەنساۋلىق ساقتاۋ دەپارتامەنتىنىڭ باقىلاۋىندا.