قازان ايىنىڭ باسىنان بەرى ۆيرۋستىق مەنينگيت دەگەن كۇدىكپەن استانا قالاسىنىڭ ينفەكتسيالىق اۋرۋحاناسىنا سەگىز وقۋشى كەلىپ ءتۇستى. بۇل تۋرالى قالالىق قوعامدىق دەنساۋلىق ساقتاۋ دەپارتامەنتى حابارلادى.
حاباردا اتاپ وتكەندەي, ناۋقاستار – ءار ءتۇرلى مەكتەپ وقۋشىلارى.
وقۋشىلار اۋرۋحاناعا مەنينگيتتىڭ مىنا بەلگىلەرىمەن ءتۇستى: تەمپەراتۋرانىڭ 40 گرادۋسقا دەيىنگى كوتەرىلۋى, بۇلشىق ەتتەردىڭ اۋىرۋى, تاماق جانە ءىشتىڭ اۋىرۋى, جوتەل, جۇرەك اينۋى.
"قازىرگى تاڭدا ينفەكتسيالىق اۋرۋحانادا "ۆيرۋستى مەنينگيت" دياگنوزىمەن ءتۇرلى مەكتەپتەن تۇسكەن سەگىز وقۋشى ەمدەلۋدە. جەتى وقۋشىنىڭ جاعدايى قاناعاتتانارلىق, بىرەۋى سالىستىرمالى تۇردە اۋىر", - دەدى دەپارتامەنتتە.
دارىگەرلەر بارلىعى ۆيرۋسقا قارسى ەم الۋدا جانە ۋايىمداۋ ءۇشىن ەشقانداي سەبەپ جوق دەپ سەندىردى.
"ەمدەۋ شارالارى اياقتالعاننان كەيىن ەكى اپتا ىشىندە ۇيگە شىعارىلادى", - دەپ حابارلادى استانا قالاسىنىڭ ددسۇ.
ايتا كەتەيىك, 2018 جىلى 9 اي ىشىندە استانادا 196 ۆيرۋستىق مەنينگيت جاعدايى تىركەلگەن (85 وقۋشى).