قر ەڭبەك سىڭىرگەن قايراتكەرى, مەملەكەتتىك "دارىن" جاستار سىيلىعىنىڭ يەگەرى داۋلەتكەرەي كاپ ۇلى قازاقستان جازۋشىلار وداعىنىڭ استانا قالاسى فيليالىنىڭ ديرەكتورى بولىپ تاعايىندالدى.
بۇعان دەيىن فيليالدى باسقارعان باۋىرجان قاراعىز ۇلىنىڭ قر مادەنيەت جانە سپورت ءمينيسترىنىڭ كەڭەسشىسى قىزمەتىنە اۋىسۋىنا بايلانىستى, ديرەكتورلىقتان بوساتىلدى.
داۋلەتكەرەي كاپ ۇلى 1977 جىلى موڭعوليا, بايان ولگي ايماعىندا دۇنيەگە كەلگەن.
1992 جىلى قازاقستانعا قونىس اۋدارعان. كاپ ۇلىنىڭ اناسى ەگەۋحان بەلگىلى ايتىس اقىنى. قازۇۋ-دى (1999), ەۋرازيا ۇلتتىق ۋنيۆەرسيتەتىنىڭ ماگيستراتۋراسىن (2002) بىتىرگەن. 2002 جىلدان سول ۋنيۆەرسيتەتتە وقىتۋشى. ەلىمىزدە ءار جىلدارى وتكىزىلگەن ايتىستاردىڭ باس جۇلدەگەرى. 2000 جىلعى حالىقارارالىق «شابىت» فەستيۆالىندە جازبا پوەزيا ءمۇشايراسىنىڭ, 2002 جىلعى «جۇلدىز» جۋرنالى جاريالاعان جازبا اقىندار ءمۇشايراسىنىڭ باس جۇلدەگەرى. 2004 جىلى مەملەكەتتىك «دارىن» جاستار سىيلىعىنىڭ لاۋرەاتى اتانعان.