تۇركيادان جەتكىزىلگەن كۇنشىعاروۆ اتىراۋدا تەراكت جاساۋعا قاتىسى بار دەپ كۇدىكتەلۋدە

«16 قازاندا ۇلتتىق قاۋىپسىزدىك كوميتەتى جانە باس پروكۋراتۋرا قىزمەتكەرلەرى 2011 جىلدان باستاپ, تەررورلىق اكت دايىنداۋ جانە تەررورلىق ارەكەتكە قاتىستىلىعى بويىنشا كۇدىكتى رەتىندە ىزدەستىرىلگەن قازاقستان ازاماتى ەلدوس كۇنشىعاروۆتى ىستامبۇلدان اتىراۋعا جەتكىزدى قازىرگى ۋاقىتتا وعان قاتىستى تەرگەۋ امالدارى جۇرگىزىلۋدە», - دەلىنگەن حابارلامادا.

ە.كۇنشىعاروۆتىڭ ۇستالۋى جانە ەلگە جەتكىزىلۋى ۇقك, باس پروكۋراتۋرا جانە سىرتقى ىستەر مينيسترلىگىمەن ءوزارا بىرلەسكەن جۇمىس, سونداي-اق تۇركيالىق سەرىكتەستەر جانە ينتەرپول بيۋروسىمەن تىعىز ارەكەتتەسۋى ناتيجەسىندە مۇمكىن بولعان.

كوميتەتتىڭ ءباسپاسوز قىزمەتىنىڭ مالىمەتىنشە, ەلدوس كۇنشىعاروۆ 2008 جىلى اۋعان-پاكىستان اۋماعىنا شىعىپ, سول جەردە اتىراۋ قالاسىندا 2011 جىلعى قازاندا بولعان ەكى جارىلىسقا جاۋاپتى «دجۋند ءال-حاليفات» تەرروريستىك توبىن قۇرۋعا قاتىسقان.

ول 2013 جىلى زاڭسىز سيرياعا ءوتىپ, «دجابحات ان-نۋسرا» تەرروريستىك ۇيىمىنىڭ قاتارىنا كىرگەن.  2015 جىلدان باستاپ, تۇركيادا جاسىرىنىپ جۇرگەن. سول جەردە انىقتالىپ, ۇستالدى.

ايتا كەتەرلىگى, بۇدان بۇرىن, 2013 جانە 2017 جىلدارى, «دجۋند ءال-حاليفات» ۇيىمىنىڭ بەلسەندى مۇشەلەرى ورىنباسار مۇناتوۆ پەن دامير زناليەۆ شەتەلدە قۇرىقتالىپ, قازاقستانعا قايتارىلعان. سوت ولاردىڭ ارقايسىسىن 20 جىل مەرزىمگە باس بوستاندىقتارىنان ايىردى.

ەسكە سالا كەتسەك, كەشە ەلدوس كۇنشىعاروۆ تۇركيادان ەكستراديتسيالانعانىحابارلاندى. 

ەسكە سالا كەتسەك, 2012 جىلى قىركۇيەكتە اۋعانستاندا مودجاحەدتەر جاعىندا سوعىسىپ جۇرگەن جانە قازاقستاندا استىرتىن لاڭكەستىك توپتاردى باسقارعان 9 اتىراۋلىقتىڭ ەسىمى جاريا ەتىلگەن بولاتىن. سولاردىڭ قاتارىندا ەلدوس كۇنشىعاروۆتىڭ اتى دا اتالعان بولاتىن.