«اتامەكەن» قازاقستان رەسپۋبليكاسى ۇلتتىق كاسىپكەرلەر پالاتاسى تورالقاسىنىڭ شەشىمىمەن ولجاس ورداباەۆ باسقارما توراعاسىنىڭ ورىنباسارى, باسقارما مۇشەسى بولىپ تاعايىندالدى, دەپ حابارلايدى كاسىپكەرلەر پالاتاسىنىڭ ءباسپاسوز قىزمەتى.
ول ەندى ءبىلىم بەرۋ, جۇمىسپەن قامتۋ, الەۋمەتتىك سالا, IT- سالا, مەديتسينالىق قىزمەتتەر, ءتۋريزمدى دامىتۋعا قاتىستى ماسەلەلەر بويىنشا جەتەكشىلىك ەتەدى.
ولجاس ورداباەۆ الماتى قالاسىندا دۇنيەگە كەلگەن.
ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىن «حالىقارالىق قۇقىق» ماماندىعى بويىنشا, سونداي-اق Cesar Ritz Colleges Switzerland وقۋ ورنىن «قوناقۇي جانە تۋريزم مەنەدجمەنتى» ماماندىعى بويىنشا بىتىرگەن.
2007- 2011 جىلدار ارالىعىندا بىرقاتار قوعامدىق ۇيىمداردى باسقارعان.
2012- 2014 جىلدار ارالىعىندا «جاڭا تەحنولوگيالار جانە ازاماتتىق قورعاۋ قورى» جشس ديرەكتورىنىڭ سىرتقى بايلانىستار جونىندەگى ورىنباسارى, 2014 جىلى «كاسىپقور» حولدينگى» كەاق الەۋمەتتىك ارىپتەستىك دەپارتامەنتىنىڭ باس مەنەدجەرى قىزمەتىن اتقاردى.
2015 جىلى «اتامەكەن» قر ۇكپ ادامي كاپيتالدى دامىتۋ دەپارتامەنتى ديرەكتورىنىڭ ورىنباسارى قىزمەتىنە كەلگەن. 2016 جىلدان قازىرگى ۋاقىتقا دەيىن وسى دەپارتامەنتتى باسقاردى.