قازاقستانداعى ەڭ ءىرى بانكتىك ەمەس قارجى ينستيتۋتتارىنىڭ ءبىرى «بايتەرەك «ۇلتتىق باسقارۋشى حولدينگىنىڭ» اق ەنشىلەس ۇيىمى «قازاقستان يپوتەكالىق كومپانياسى» يپوتەكالىق ۇيىمى» اق (بۇدان ءارى - كومپانيا) يپوتەكالىق نەسيەلەندىرۋدىڭ جاڭا باعدارلاماسىن ىسكە قوسۋ تۋرالى جاريالادى. اعىمداعى ايدىڭ سوڭىنا قاراي «وردا» يپوتەكاسى قازاقستاندىقتارعا قول جەتىمدى بولادى, دەپ حابارلايدى قازاقستان يپوتەكالىق كومپانياسى.
«قيك» يۇ» اق-نىڭ جاڭا يپوتەكاسى قازاقستاننىڭ بارلىق تۇرعىندارىنا باستاپقى جانە قايتالاما تۇرعىن ءۇي نارىعىنان, ولاردىڭ جەكە مەنشىگىندە باسقا تۇرعىن ءۇيدىڭ بار-جوعىنا قاراماستان, جىلجىمايتىن م ۇلىك ساتىپ الۋعا مۇمكىندىك بەرەدى. نەسيەلەندىرۋ ەكىنشى دەڭگەيدەگى بانكتەر ارقىلى جۇزەگە اسىرىلاتىن بولادى, ولار «قيك» يۇ» اق-نىڭ تۇتىنۋشىلاردى تارتۋ مەن قارىز بەرۋ بويىنشا سەرىكتەستەرى رەتىندە ارەكەت ەتەدى.
تولەم قابىلەتتىلىگىن تولىق راستاعان كەزدە, قارىز الۋشىلار ءۇشىن يپوتەكالىق قارىز مولشەرلەمەسى جىلدىق 12%-ءتى, كىرىستى ءىشىنارا راستاعان كەزدە - جىلدىق 14%-ءتى قۇرايدى. قارىزدىڭ ەڭ كوپ سوماسى - 40 ملن. تەڭگەنى, ەڭ ازى - 1 ملن. تەڭگەنى قۇرايدى. قارىز مەرزىمى - 20 جىلعا دەيىن. قازاقستاننىڭ 16 قالاسىندا يپوتەكا قولجەتىمدى بولادى. جاسى 21-دەن جوعارى قازاقستاننىڭ كەز كەلگەن ازاماتى قارىز الۋشى بولا الادى. نەسيەنى وتەۋ ساتىندە قارىز الۋشىنىڭ نەمەسە قوسالقى قارىز الۋشىنىڭ جاسى زەينەتكەرلىككە شىعاتىن جاستان اسپاۋى ءتيىس.
«وردا» يپوتەكاسى كىرىس تولىق راستالعان كەزدە تۇرعىن ءۇي قۇنىنىڭ 30%-نەن باستاپ جانە ءىشىنارا راستالعان كەزدە 50%-نەن باستاپ باستاپقى جارنا تولەۋدى كوزدەيدى. بۇل رەتتە باستاپقى جارنا قارىز الۋشىعا نەمەسە ءۇشىنشى تۇلعالارعا تيەسىلى جىلجىمايتىن م ۇلىك تۇرىندە قوسىمشا كەپىلمەن اۋىستىرىلۋى مۇمكىن.
«قازاقستان يپوتەكالىق كومپانياسى» يۇ» اق باسقارماسىنىڭ توراعاسى ءادىل مۇحامەدجانوۆ: ء «وز ميسسيامىزدى ورىنداي وتىرىپ - ءارتۇرلى يپوتەكالىق باعدارلامالاردى جۇزەگە اسىرۋ ارقىلى تۇرعىن ۇيگە قولجەتىمدىلىكتى ارتتىرۋدا - ءبىز كوپتەگەن قازاقستاندىقتاردىڭ ءوز تۇرعىن ءۇي جاعدايلارىن جاقسارتۋىنا مۇمكىندىك بەرەتىن يپوتەكانى ازىرلەدىك. وڭتايلى سىياقى مولشەرلەمەسى, رەتتەلەتىن قارىز مەرزىمى مەن باستاپقى جارنا مولشەرى, كىرىستى ءىشىنارا راستاۋ مۇمكىندىگى, سونداي-اق قارىزدىڭ ەڭ كوپ قوماقتى سوماسى – بۇل بۇگىنگى كۇنى نارىقتاعى قاجەت بولاتىن يكەمدى تالاپتار. قارىز الۋشىلار وزدەرى ءۇشىن ىڭعايلى باستاپقى پارامەترلەردى تاڭداپ, اي سايىنعى قولايلى تولەمدى انىقتايدى جانە وزدەرىنە ۇناعان كەز كەلگەن تۇرعىن ءۇيدى ساتىپ الا الادى».
«نۇرلى جەر» تۇرعىن ءۇي باعدارلاماسىنىڭ «يپوتەكالىق قارىزدار بويىنشا سىياقى مولشەرلەمەسىن سۋبسيديالاۋ» باعىتىن جۇزەگە اسىرۋ اياسىندا سەرىكتەس بانكتەر ارقىلى يپوتەكالىق ونىمدەردى ناسيحاتتاۋ تاجىريبەسى بار كومپانيا ەكىنشى دەڭگەيدەگى بانكتەرمەن جۇمىس ىستەۋدىڭ ۇقساس سحەماسىن قولدانۋعا نيەتتى: كليەنت پاتەردى ءوز بەتىنشە تاڭدايدى جانە سەرىكتەس بانكپەن بايلانىسادى, سەرىكتەس بانك قاجەتتى قۇجاتتاردى قابىلدايدى جانە كومپانياعا ءوتiنiش جiبەرەدi, كومپانيا ءوز كەزەگiندە قارىز الۋشىنىڭ تولەم قابiلەتتiلiگiن تەكسەرەدi جانە بانككە ءوز شەشiمiن ۇسىنادى.ء وتىنىمدى قاراۋ مەرزىمى باعدارلامادا كەلىسىلگەن جاعدايلاردى قوسپاعاندا, ءۇش جۇمىس كۇنىنەن اسپايدى. قارىز ماقۇلدانعان كەزدە كەپىل ۇستاۋشى جانە كەپىل بەرۋشى رەتىندە قازاقستان يپوتەكالىق كومپانياسى ارەكەت ەتەدى.