مينيستر قوستانايلىقتاردىڭ الدىندا ەلباسى نۇرسۇلتان نازارباەۆتىڭ 5 قازاندا قازاقستان حالقىنا جولداعان جولداۋىنىڭ ءمان-ماڭىزى تۋرالى ايتىپ, ونداعى ەلباسى كوتەرگەن كوممۋنالدىق تاريف, حالىقتىڭ جالاقىسى, باسپانا, تاعى باسقا دا وزەكتى ماسەلەلەرگە توقتالدى.
ول جالاقى ماسەلەسىندە, مەملەكەتتىك قىزمەتكەرلەرگە ەندى ەڭبەگىنە, ىستەگەن جۇمىسىنا قاراي, بالدىق شكالا بويىنشا تولەنەتىنىن ايتىپ ءوتتى. بالاباقشالاردىڭ 52 مىڭ تاربيەشىسى بىلىكتىلىكتەرىن كوتەرەتىن بولادى.
مينيستر جولداۋدا ايتقان وڭدەۋ ونەركاسىبىنىڭ ونىمدەرىن ەكسپورتقا شىعارۋدى 2,5 ەسە ارتتىرۋ تۋرالى ايتا كەلىپ, وسى تاپسىرمانىڭ قوستاناي وبلىسى سەكىلدى اۋىل شارۋاشىلىعى دامىعان وبلىسقا قاتىستى ەكەنىن دە ەسكەرتتى. بۇل ءۇشىن ينۆەستيتسيالىق-يننوۆاتسيالىق باعدارلامالاردىڭ, قۋاتتى جوبالاردىڭ جۇزەگە اساتىنىنان حابار بەرەدى.
مينيستر اكتيۆكە قاتىسقانداردىڭ سۇراقتارىنا دا جاۋاپ بەردى. سوعان وراي «پەداگوگتاردىڭ مارتەبەسى تۋرالى» زاڭ جونىندە ايتتى.
«ەلباسى مۇعالىمدەردى سايلاۋلاردان باستاپ, ۇساق شارالاردى ۇيىمداستىرۋعا دەيىن پايدالاناتىنى تۋرالى اشىق ايتتى. بولاشاق زاڭ ۇستازداردى وسىنداي ارتىق جۇكتەمەلەردەن قۇتقاراتىن بولادى. ءبىلىم جانە عىلىم مينيسترلىگى زاڭدى جازۋعا كىرىسىپ تە كەتتى. ال وعان جەرگىلىكتى جەردەن ۇنقوسۋلار, پىكىرلەر بولۋى ءۇشىن زاڭنىڭ جاسالۋىنا مامانداردى قاتىستىرۋ كەرەك» دەدى دارحان كالەتاەۆ.
وسىنداي ماسەلەلەردىڭ بارلىعىن قامتىعان جولداۋدى ادامدارعا ءتۇسىندىرۋ ءۇشىن وبلىس اكىمى ارحيمەد مۇحامبەتوۆ قوستاناي وبلىسىندا 21 اقپاراتتىق-ءتۇسىندىرۋ توپتارى قۇرىلعانىن ايتتى.
ءنازيرا جارىمبەت,
«ەگەمەن قازاقستان»
قوستاناي