پارلامەنت سەناتىنىڭ دەپۋتاتتارى ۆلاديمير ۆولكوۆ پەن نۇرجان نۇرسيپاتوۆ ەلباسىنىڭ جولداۋىن ءتۇسىندىرۋ ماقساتىندا «تۇران-استانا» ۋنيۆەرسيتەتىنىڭ ستۋدەنتتەرىمەن كەزدەستى.
دەپۋتاتتار «ستۋدەنتتەرگە قىزمەت كورسەتۋ ورتالىعىن», ينتەراكتيۆتى جابدىقتارى بار ءدارىسحانالار مەن سوت وتىرىسى زالىن, قىلمىستىق پوليگوندى ارالادى جانە كابينەتتەردىڭ تەحنيكالىق جابدىقتالۋىمەن, ستۋدەنتتەردىڭ جاتاقحانامەن قامتاماسىز ەتىلۋىمەن تانىستى.
سەناتور ۆ.ۆولكوۆ مەملەكەت باسشىسىنىڭ جولداۋىندا ءبىلىم ساپاسىنا باسىمدىق بەرىلگەنىن اتاپ ءوتتى. «تۇلەكتەردىڭ جۇمىسپەن قامتىلۋى جوعارى وقۋ ورىندارىنىڭ ءبىلىم ساپاسىنىڭ كورسەتكىشى بولماق. سۇرانىسى تومەن ماماندىقتار بىرتىندەپ ازايادى», دەدى ول.
سەناتور ن.نۇرسيپاتوۆ ازاماتتىڭ ءرولى مەن جولداۋدىڭ الەۋمەتتىك باعدارى تۋرالى ويىن ورتاعا سالدى. سونداي-اق دەپۋتات قازاقستاندىق جاستار ءۇشىن كوپتەگەن باعدارلامالاردىڭ جۇزەگە اسىرىلىپ وتىرعانىن جانە جوعارى وقۋ ورىندارى مەن كوللەدج تۇلەكتەرىنە بەرىلەتىن جاڭا مۇمكىندىكتەر تۋرالى ايتىپ ءوتتى.
مايگۇل سۇلتان,
«ەگەمەن قازاقستان»
استانا