بۇگىن الماتىداعى س.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىندە «فيتونيرينگ – فيتومەديتسيناداعى جاڭا ءداۋىر, داستۇردەن بۇگىنگى زامانعا قاراي» اتتى عىلىمي-تاجىريبەلىك كونفەرەنتسيا ءوتتى.
كونفەرەنتسياعا قازاقستان وڭىرلەرىنەن 200-دەن اسا دەلەگات پەن رەسپۋبليكاداعى مەديتسينالىق ۋنيۆەرسيتەتتەردىڭ پروفەسسورلىق-وقىتۋشىلىق قۇرامى, عىلىمي-زەرتتەۋ ينستيتۋتتارى مەن ورتالىقتارىنىڭ قىزمەتكەرلەرى (گينەكولوگتار, ۋرولوگتار, تەراپەۆتەر, پەدياترلار, نەفرولوگتار), سونداي-اق, گەرمانيا مەن رەسەيدىڭ جەتەكشى عالىمدارى قاتىستى.
كونفەرەنتسيادا انتيبيوتيكتەرگە اعزانىڭ ۇيرەنۋى قازىر بۇكىلالەمدەگى قوعامدىق دەنساۋلىق ساقتاۋ سالاسىنىڭ كوكەيكەستى جاھاندىق ماسەلەسىنە اينالىپ كەلە جاتقاندىعى تالقىلاندى.
كوپتەگەن ەلدەر انتيبيوتيككە توزىمدىلىكتى تەجەۋ ءۇشىن ءتۇرلى شارالار قابىلداۋعا ءماجبۇر. بۇل ماسەلەمەن قازاقستان دا بەتپە-بەت كەلۋدە.
جيىن بارىسىندا انتيبيوتيككە توزىمدىلىكتى تەجەۋدىڭ باستى جولى رەتىندە – دۇرىس انتيبيوتيك تەراپياسىن تاعايىنداۋعا قاتىستى مەديتسينالىق قاۋىمداستىق پەن حالىققا ءبىلىم بەرۋ, انتيبيوتيكتەردى سەبەپسىز قولدانۋدى توقتاتۋ جانە بالامالى تاسىلدەردى ىزدەۋ ۇسىنىلدى.
مۇنىڭ ءبىر شەشىمى – وزىق وندىرىستىك تەحنولوگيالاردى قولدانا وتىرىپ, ساپالى وسىمدىك شيكىزاتىنان جاسالعان ءارى ستاندارتتالعان, ءتيىمدى دە قاۋىپسىز دارىلىك پرەپاراتتار بالىپ تابىلماق.
وسى ورايدا قازاقستانداعى «بيونوريكا» كومپانياسىنىڭ فيتونيرينگ تۇجىرىمداسى ارقىلى بولاشاق فارماتسەۆتيكادا جاڭا سالانى قالىپتاستىرۋ جايى ءسوز بولدى. كومپانيا تيىمدىلىگى مەن قاۋىپسىزدىگى كوپتەگەن عىلىمي زەرتتەۋلەرمەن دالەلدەنگەن جوعارى ءتيىمدى ءارى قاۋىپسىز ءدارى-دارمەكتەردى جاساپ شىعارۋ ماقساتىندا تابيعي بەلسەندى زاتتاردىڭ (فيتو-) زور الەۋەتى مەن زاماناۋي يننوۆاتسيالىق تەحنولوگيالار (ينجينيرينگ) قولداناتىنى العا تارتىلدى.
ايناش ەسالي,
«ەگەمەن قازاقستان»
الماتى