كەرچ قالاسىنداعى پوليتەحنيكالىق كوللەدجدە جارىلىس بولدى. توتەنشە جاعداي سالدارىنان 19 ادام قازا تاپتى, دەپ حابارلايدى تاسس.
تەرگەۋ كوميتەتى جارىلىس فاكتىسى بويىنشا قىلمىستىق ءىس قوزعادى. لاڭكەستىككە قارسى ۇلتتىق كوميتەتتىڭ مالىمەتىنشە, وقيعا سالدارىنان 50-گە جۋىق ادام زارداپ شەككەن.
«كوللەدجگە جاقىن اۋماق قورشاۋعا الىندى, عيماراتتا بولعان ادامداردى قاۋىپسىز جەرگە كوشىرۋ باستالدى. زارداپ شەككەندەر قالانىڭ مەديتسينالىق مەكەمەلەرىنە جەتكىزىلدى. ولارعا قاجەتتى مەديتسينالىق جانە پسيحولوگيالىق كومەك كورسەتىلىپ جاتىر», دەدى كوميتەت قىزمەتكەرلەرى.
قالاداعى قوعامدىق كولىك جارىلىستان زارداپ شەككەندەردى تاسىمالداۋ ءۇشىن قولدانىلۋدا. قالالىق كولىك باسقارماسىنىڭ جولاۋشىلاردى تاسىمالداۋ بولىمىندە كولىك قۇرالدارىنىڭ سانىن ناقتىلاعان جوق. كوميتەتتەگىلەردىڭ ايتۋىنشا, كەرچتە انىقتالماعان جارىلعىش قۇرال جارىلعان.
قىرىم باسشىسى سەرگەي اكسەنوۆتىڭ ايتۋىنشا, شابۋىل جاساعان كۇدىكتى كوللەدج وقۋشىسىنىڭ ءبىرى بولعان. مۇنداي جارىلىستىڭ قايتالانباۋى ءۇشىن ءتيىستى شارالار قولدانىلىپ جاتىر.