يراكتىڭ باسرا پروۆينتسياسىندا ساپاسىز اۋىزسۋدان ۋلانعاندار سانى 111 مىڭعا جەتتى. بۇل تۋرالى بۇۇ ادام قۇقىقتارى جونىندەگى جوعارعى كوميسسارى كەڭسەسىنىڭ باسشىسى مالىمدەدى, دەپ حابارلايدى Al Baghdadia.
تامىز ايىنىڭ باسىندا يراكتىڭ وڭتۇستىگىندەگى باسرا قالاسىندا اۋىزسۋ تاپشىلىعى, ەلەكتر قۋاتىن تاراتۋدا اقاۋلار بايقالعان.
سول ۋاقىتتان بەرى ساپاسىز اۋىزسۋدان زارداپ شەككەندەردىڭ سانى كۇن ساناپ ارتىپ كەلەدى. بۇگىنگە دەيىن ولاردىڭ سانى 95 مىڭنىڭ اينالاسىندا بولعان. ۋلانعاندار اراسىندا ەۋروپا وداعىنىڭ يراكتاعى ەلشىسى رامون بلەكۋلا دا بار.
مۇنىڭ ارتى ەل وڭتۇستىگىندەگى تۇرعىنداردىڭ جاپپاي نارازىلىعىنا اكەپ سوقتىرعان. وسىعان بايلانىستى شۇعىل شاقىرىلعان پارلامەنت وتىرىسىنان ەش ناتيجە بولماعان. ارتىنشا پرەمەر-مينيستر حەيدار ال-ابادي پارلامەنت وكىلدەرىن ەل وڭتۇستىگىندەگى جاعدايدى ساياسي ماقساتتارىنا پايدالاندى دەپ ايىپتادى.