ەلباسى ءوزىنىڭ بيىلعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىندا حالىقتىڭ ءومىر ساپاسىن ارتتىرۋعا باعىتتالعان 6 ناقتى قادامدى اتاپ ءوتتى.
ەلباسىنىڭ قازاقستان حالقىنا جولداۋىن قوستاناي وبلىسىنىڭ جاستارى ىستىق ىقىلاسپەن, اسقان قۋانىشپەن قارسى الدى. ءبىر ايتا كەتەرلىگى, قوستاناي وبلىسىندا ورنالاسقان 6697 اسكەري ءبولىمنىڭ وفيتسەرلەرى, كەلىسىمشارت قىزمەتكەرلەرمەن قاتار ساربازدار جولداۋدى تىكەلەي ەفير بارىسىندا تىڭداي الدى. ەلباسى جاستار ماسەلەسىن ەشقاشان نازاردان تىس قالدىرعان ەمەس. ەلدىڭ كەلەشەگى, تاۋەلسىزدىكتى ودان ءارى تۇعىرلاندىراتىن, ەلباسىنىڭ اۋقىمدى ستراتەگيالىق مەجەلەرىن, ماقساتتارىن ىسكە اسىراتىن دا جاستار ەكەنى داۋسىز. سوندىقتان دا ەلباسى قاشاندا جاستاردىڭ ماسەلەسىنە ەرەكشە نازار اۋدارىپ, ءاربىر جولداۋىندا جاستارعا ۇلكەن ىقىلاس تانىتادى. كەلەر جىلدىڭ «جاستار جىلى» دەپ جاريالانۋى وڭىرىمىزدەگى جاستار ساياساتىن ىلگەرىلەتۋگە تاعى دا ءبىر ۇلكەن سەرپىن بەرەتىنىنە سەنىپ وتىرمىز. ءبىزدىڭ وبلىستاعى جاس ساربازداردىڭ الەۋەتى وتە جوعارى. ءبىز قازىرگى تاڭدا ەلباسىنىڭ العا قويىپ وتىرعان ماسەلەلەرىنىڭ بارلىعىن زەردەلەپ, زەرتتەپ, بىرقاتارىن ىسكە اسىرۋدى تىڭعىلىقتى تۇردە باستاپ تا كەتكەنبىز. بيىلعى جولداۋ جاساپ جاتقان جۇمىسىمىزعا, قازىرگى ىسكە اسىرىپ جاتقان جوبالارىمىزعا تاعى دا ءبىر سەرپىن بەرەتىنىنە كوزىمىز جەتىپ وتىر.
جولداۋ اسا ماڭىزدى ماسەلە – حالىقتىڭ ءال-اۋقاتىن ارتتىرۋعا باعىتتالىپ وتىر. ەلباسى انىقتاعان التى ۆەكتور بىرىنەن-ءبىرى تۋىنداپ قانا قويماي, سونىمەن قاتار ءبىرىن-ءبىرى تولىقتىرۋشى بولىپ تابىلادى جانە قۇجاتتىڭ كەمەل ويلاستىرىلعانى ونىڭ كەشەندىلىگىن ودان بەتەر دالەلدەي تۇسەدى. جولداۋدىڭ سوڭىندا ءاربىر قازاقستاندىقتىڭ ەلىمىزدەگى وزگەرىستەر ۇدەرىسىنە اتسالىسۋ ماسەلەسىنە ايرىقشا نازار اۋدارىلادى. ولاي بولسا ارقايسىسىمىز جۇرگىزىلىپ جاتقان رەفورمالاردىڭ ءمانىن جانە ولاردىڭ وتانىمىزدى وركەندەتۋ جولىنداعى ماڭىزىن جەتە تۇسىنۋگە ءتيىسپىز. بىرلىگىمىز مىزعىماسا, ىنتىماعىمىز ىدىراماسا, ءبىز ءۇشىن الىنبايتىن اسۋ, باعىنبايتىن بەلەس بولمايدى, دەپ اتاپ ءوتتى مەملەكەت باسشىسى. ەلباسىنىڭ جولداۋى ءا دەگەننەن-اق ءوزىنىڭ كوكەيكەستىلىگىمەن حالىق اراسىندا كەڭ قولداۋعا يە بولدى. ءبىزدىڭ مىندەتىمىز – قىسقا ۋاقىتتا اتالمىش قۇجاتتا جۇكتەلگەن تاپسىرمالاردى جۇزەگە اسىرۋ. جارقىن بولاشاعىمىزدى دوستىقتا, كەلىسىمدە جانە بىرلىكتى قۇرۋدىڭ قاجەتتىگىن تۇسىنەتىن ۋاقىت كەلدى. سىبايلاس جەمقورلىقپەن كۇرەسۋدە قوعامنىڭ قولداۋ كورسەتۋى بۇدان دا ارتىق ناتيجەلەرگە قول جەتكىزۋگە جانە الەمنىڭ دامىعان 30 مەملەكەتىنىڭ قاتارىنا كىرۋگە ءوز سەپتىگىن تيگىزەتىنىنە كامىل سەنىمدىمىن.
ەرلان يپاتوۆ,
6697 اسكەري ءبولىم كومانديرى, پودپولكوۆنيك
قوستاناي وبلىسى