استانادا سىرتقى ساياسي ۆەدومستۆولار باسشىلارى ورىنباسارلارىنىڭ دەڭگەيىندە قازاقستان-ماكەدون ساياسي كونسۋلتاتسيالارى ءوتتى.
قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى رومان ۆاسيلەنكو جانە ونىڭ ماكەدوندىق ارىپتەسى اندرەي جەرنوۆسكي ەكونوميكالىق ديپلوماتيا مەن حالىقارالىق ارەناداعى ءوزارا ءىس-قيمىلعا باسىمدىق بەرە وتىرىپ كوپجاقتى ىنتىماقتاستىقتى تەرەڭدەتۋ جانە ساياسي سالاداعى ارىپتەستىكتىڭ وزەكتى ماسەلەلەرىن تالقىلادى.
كەزدەسۋ بارىسىندا تاراپتار بۇۇ قاۋىپسىزدىك كەڭەسىندەگى تۇراقتى ەمەس مۇشەسى رەتىندەگى قازاقستان قىزمەتىنىڭ وزەكتى ماسەلەلەرى, ماگاتە الاڭىنداعى ءوزارا ءىس-قيمىل, سيرياداعى احۋالدى رەتتەۋ جونىندەگى استانا پروتسەسى, ورتالىق ازيا مەن بالكان ءوڭىرى اراسىنداعى پەرسپەكتيۆالىق ءوزارا ءىس-قيمىلدار بويىنشا پىكىر الماستى.
تاراپتار الماتىدا ماكەدونيا قۇرمەتتى كونسۋلدىعىنىڭ اشىلۋىن جوعارى باعالادى.
ء«بىزدىڭ مەملەكەتتەرىمىز اراسىندا قانداي دا ءبىر ساياسي جانە وزگە دە سيپاتتاعى كەلىسپەۋشىلىك جوق – بۇل ءوز كەزەگىندە ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىقتى جانداندىرۋ مەن كەڭەيتۋگە قولايلى العىشارتتار قالىپتاستىرادى», – دەدى ر. ۆاسيلەنكو.